မားကပ်စ်ရက်ရှ်ဖို့ဒ်က မန်ချက်စတာယူနိုက်တက်နဲ့ ၁၈ လကြာ ကင်းကွာခဲ့ပြီးနောက် အသင်းဆီ ပြန်လည်ရောက်ရှိလာချိန် နည်းပြကာရစ်ရဲ့လက်အောက်မှာ အသစ်တဖန်ပြန်လည်စတင်ဖို့ အသင့်ဖြစ်နေပြီလို့ သိရပါတယ်။

အင်္ဂလန်တိုက်စစ်မှူးက လက်ရှိမှာ ကျောနံပါတ် ၁၀ ဝတ်ဆင်ထားတဲ့ ကွန်ဟာကို လေးစားသောအားဖြင့် သူ့ရဲ့ကျော်ကြားလှတဲ့ သရဲနီကျောနံပါတ် ၁၀ ဂျာစီကို ပြန်လည်တောင်းယူဖို့ ငြင်းဆန်ခဲ့ပါတယ်။ 

The Sun သတင်းစာရဲ့အဆိုအရ ရက်ရှ်ဖို့ဒ်က ဘာစီလိုနာဆီ အငှားထွက်ကစားချိန် ဝတ်ဆင်ခဲ့တဲ့ လစ်လပ်နေဆဲ ကျောနံပါတ် ၁၄ ဂျာစီကို ဝတ်ဆင်သွားဖွယ် ရှိပါတယ်။ သူက လွန်ခဲ့တဲ့ ၁၈ လတာကာလအတွင်း အက်စတွန်ဗီလာနဲ့ ဘာစီလိုနာအသင်းဆီ အငှားသွားရောက်ကစားခဲ့ပါတယ်။

ရက်ရှ်ဖို့ဒ်ရဲ့ဆုံးဖြတ်ချက်က နည်းပြကာရစ်နဲ့ နည်းပြအဖွဲ့ဝင်တွေ၊ ပရိသတ်တွေနဲ့ သူ့အကြား ယုံကြည်မှုပြန်လည်တည်ဆောက်နိုင်ဖို့ ကြိုးပမ်းချိန် ကွန်ဟာရဲ့လက်ရှိအခြေအနေအပေါ် မထိခိုက်စေလိုတဲ့ဆန္ဒကို ထင်ဟပ်နေတယ်လို့ The Sun သတင်းစာက ဖော်ပြထားပါတယ်။

အသက် ၂၈ နှစ်အရွယ်ကစားသမားက ဘာစီလိုနာမှာ အငှားထွက်ကစားချိန် ၄၉ ပွဲ ကစားရာမှာ သွင်းဂိုး ၁၄ ဂိုး၊ ဂိုးဖန်တီးမှု ၁၅ ကြိမ်ပြုလုပ်ရင်း အကောင်းဆုံးခြေစွမ်းပြသနိုင်ခဲ့ပါတယ်။ လတ်တလောမှာတော့ ရက်ရှ်ဖို့ဒ်က အိုးထရက်ဖို့ဒ်မှာ ပုံမှန်ပွဲထွက်ခွင့်နေရာ ပြန်ရရှိဖို့ ကြိုးစားသွားပါလိမ့်မယ်။