ဘုန်းမောက်အသင်းဟာ ဘင်ဖီကာအသင်းရဲ့ လူငယ်နောက်ခံလူ အန်တိုနီယိုဆေးလ်ဗားကို ခေါ်ယူဖို့အတွက် ဆွေးနွေးမှုတွေ ပြုလုပ်နေတယ်လို့ သတင်းတွေအရ သိရပါတယ်။

အသက် ၂၂ နှစ်အရွယ်ရှိပြီဖြစ်တဲ့ အန်တိုနီယိုဆေးလ်ဗားဟာ ၂၀၂၂ ခုနှစ်ကတည်းက ဘင်ဖီကာအသင်းကြီးမှာ ပါဝင်ကစားခဲ့သူဖြစ်ပေမဲ့ လက်ရှိမှာတော့ ပွဲထွက်ခွင့်ရဖို့အတွက် အနည်းငယ် ရုန်းကန်နေရပါတယ်။

နည်းပြ ဂျိုဆေးမော်ရင်ဟိုရဲ့ လက်အောက်မှာ ဆေးလ်ဗားဟာ ပြီးခဲ့တဲ့ရာသီက ပေါ်တူဂီလိဂ်ပွဲစဉ် ၂၅ ပွဲမှာ ၂၀ ပွဲသာ ပွဲထွက်ကစားခွင့်ရခဲ့ပြီး နီကိုလက်စ်အိုတာမန်ဒီနဲ့ တောမတ်စ်အရူဂျိုတို့ရဲ့ ပြင်းထန်တဲ့ အားပြိုင်မှုတွေနဲ့ ရင်ဆိုင်ခဲ့ရပါတယ်။

နာမည်ကျော်သတင်းထောက် ဖာဘရီဇီယိုရိုမာနိုရဲ့ အဆိုအရ ဘုန်းမောက်အသင်းဟာ အဲဒီနောက်ခံလူနဲ့ ဆွေးနွေးမှုတွေ ပြုလုပ်နေပြီး အပြောင်းအရွှေ့ဟာ မကြာခင်မှာ ပြီးမြောက်တော့မယ်လို့ မျှော်လင့်ရပါတယ်။

ဆေးလ်ဗားဟာ အခြားအသင်းတစ်သင်းဆီ ပြောင်းရွှေ့နိုင်ဖို့အတွက် ဘင်ဖီကာနဲ့ စာချုပ်သစ်ချုပ်ဆိုဖို့ ငြင်းဆန်ခဲ့တာဖြစ်ပြီး ဘုန်းမောက်အသင်းကတော့ သူ့ကို မားကို့စ်ဆီနစီရဲ့ နေရာမှာ အစားထိုးဖို့ အကောင်းဆုံးကစားသမားအဖြစ် သတ်မှတ်ထားပါတယ်။

ဘင်ဖီကာနဲ့ စာချုပ်သက်တမ်း တစ်နှစ်သာ ကျန်ရှိတော့တဲ့ အဲဒီလူငယ်ကစားသမားအတွက် ပြောင်းရွှေ့ကြေးဟာ ပေါင် ၂၁.၃ သန်း ဝန်းကျင် ရှိလိမ့်မယ်လို့ သိရပါတယ်။