ကွင်းလယ်လူ အီလီယက်အန်ဒါဆန်အတွက် မန်စီးတီးအသင်းရဲ့ စံချိန်တင်ကမ်းလှမ်းမှုကို နော်တင်ဟမ်ဖောရက်စ်အသင်းက ပယ်ချလိုက်တယ်လို့ သိရပါတယ်။ အသက် ၂၃ နှစ်အရွယ် ဖောရက်စ်အသင်းရဲ့ အဓိကကစားသမား အန်ဒါဆန်အတွက် မန်စီးတီးဟာ အပိုဆုကြေးတွေအပါအဝင် ပေါင် ၁၂၀ သန်းအထိရှိတဲ့ အံ့အားသင့်စရာပမာဏနဲ့ ကမ်းလှမ်းခဲ့တာဖြစ်တယ်လို့ သတင်းထွက်ပေါ်လာတာပါ။

ဒီကမ်းလှမ်းမှုဟာ ဝက်စ်ဟမ်းကနေ အာဆင်နယ်ကို ပေါင် ၁၀၅ သန်းနဲ့ ပြောင်းရွှေ့ခဲ့တဲ့ အင်္ဂလန်အသင်းဖော် ဒီကလန်ရိုက်စ်ရဲ့ စံချိန်ကို ကျော်ဖြတ်ပြီး သူ့ကို သမိုင်းတစ်လျှောက် ဈေးအကြီးဆုံး ဗြိတိန်ကစားသမား ဖြစ်လာစေမယ့် ကမ်းလှမ်းမှုလည်း ဖြစ်ပါတယ်။ The Telegraph ရဲ့ ဖော်ပြချက်အရ ဖောရက်စ်အသင်းဟာ စီးတီးရဲ့ကမ်းလှမ်းမှုကို ငြင်းပယ်ခဲ့ပြီး အလက်ဇန္ဒားအိုင်ဆက်အတွက် လီဗာပူးပေးချေခဲ့တဲ့ ပေါင် ၁၂၅ သန်းထက် ပိုများတဲ့ ကမ်းလှမ်းမှုမျိုးကို စောင့်ဆိုင်းနေတာဖြစ်ပါတယ်။

ဒါပေမဲ့ အသင်းမန်နေဂျာသစ် အန်ဇိုမာရက်စကာရဲ့ လက်အောက်မှာ အသင်းသစ်ကို ပြင်ဆင်ဖို့အတွက် အန်ဒါဆန်ဟာ စီးတီးရဲ့ ဦးစားပေးပစ်မှတ်အဖြစ် ရှိနေဆဲဖြစ်တာကြောင့် ဆွေးနွေးမှုတွေကတော့ ဆက်လက်ရှိနေဆဲဖြစ်ပါတယ်။