မန်စီးတီးကို ကျော်ဖြတ်ပြီး အီလီယော့အန်ဒါဆန်ကို ခေါ်ယူနိုင်မယ်လို့ ယူနိုက်တက် မျှော်လင့်နေ
မန်ချက်စတာယူနိုက်တက်အသင်းဟာ နော့တမ်ဖောရက်စ်ကွင်းလယ်လူ အီလီယော့အန်ဒါဆန်ကို ခေါ်ယူဖို့ ကြိုးစားရာမှာ မြို့ခံပြိုင်ဘက် မန်စီးတီးကို ကျော်ဖြတ်ပြီး အောင်အောင်မြင်မြင် ခေါ်ယူနိုင်လိမ့်မယ်လို့ ယုံကြည်မှုရှိနေကြောင်း သတင်းတွေ ထွက်ပေါ်နေပါတယ်။
အသက် ၂၃ နှစ်အရွယ် ကစားသမားဟာ ၂၀၂၅-၂၆ ရာသီမှာ အကောင်းဆုံးခြေစွမ်းပြနိုင်ခဲ့တာကြောင့် ဒီနွေရာသီမှာပဲ စံချိန်တင်ပြောင်းရွှေ့ကြေးတစ်ခုနဲ့ နော့တမ်ဖောရက်စ်ကနေ ထွက်ခွာဖို့ ရှိနေတာပါ။
အန်ဒါဆန်ကို ခေါ်ယူချင်တယ်ဆိုရင် အာဆင်နယ်က ဒက်ကလန်ရိုက်စ်အတွက် ဝက်စ်ဟမ်းကို ပေးချေခဲ့တဲ့ ပေါင် ၁၀၅ သန်းထက် ပိုမိုတဲ့ ပြောင်းရွှေ့ကြေးမျိုး ရရှိဖို့ နော့တမ်ဖောရက်စ်ဘက်က မျှော်လင့်နေတယ်လို့လည်း သိရပါတယ်။
နော့တမ်ဖောရက်စ်ဟာ မန်စီးတီးရဲ့ ပေါင်သန်း ၈၀ ဝန်းကျင်နဲ့ ကမ်းလှမ်းမှုကို ပယ်ချထားပြီးဖြစ်ပေမဲ့ အန်ဇိုမာရက်စကာ နောက်ထပ်တာဝန်ယူမယ့် အသင်းအနေနဲ့ နောက်ထပ်တစ်ကြိမ် ထပ်မံကမ်းလှမ်းလာဖို့ ရှိနေပါတယ်။
ဂါးဒီးယန်းရဲ့ ဖော်ပြချက်အရ မန်ယူအသင်းဟာ အန်ဒါဆန်ကို ခေါ်ယူဖို့ စိတ်ဝင်စားနေဆဲဖြစ်ပြီး မန်စီးတီးကို ကျော်ဖြတ်ကာ သူတို့ဆီ ခေါ်ယူနိုင်လိမ့်မယ်လို့ ယူဆနေပါတယ်။
ဒါပေမဲ့လည်း ကွင်းလယ်ပိုင်းကို အကြီးစားပြုပြင်ပြောင်းလဲဖို့ စီစဉ်နေတဲ့ မန်ယူအသင်းရဲ့ ဘောလုံးဒါရိုက်တာ ဂျေဆန်ဝီလ်ကော့စ်ဟာ မားတီးယပ်စ်ဖာနန်ဒက်စ်ရဲ့ အခြေအနေကိုလည်း တစ်ဖက်ကနေ စောင့်ကြည့်နေပါသေးတယ်။
