ပရီးမီးယားလိဂ်မှ တန်းဆင်းသွားခဲ့ရပြီးနောက် ဝုဗ်အသင်းက အခုနွေရာသီမှာ တိုလူအာရိုကိုဒါရီကို လက်လွှတ်သွားဖို့ ရှိနေပါတယ်။

ပြီးခဲ့တဲ့နွေရာသီ၊ ဘယ်လ်ဂျီယံကလပ် ဂျန့်ခ်အသင်းမှ ယူရို ၂၄ သန်းဖြင့် ဝုဗ်အသင်းဆီ ပြောင်းရွှေ့လာခဲ့တဲ့ နိုင်ဂျီးရီးယားတိုက်စစ်မှူးက Molineux ကွင်းအဖွင့်ရာသီမှာ ခြေစွမ်းပြသနိုင်ဖို့ ရုန်းကန်ခဲ့ရပါတယ်။

အသက် ၂၅ နှစ်အရွယ်တိုက်စစ်မှူးက ၂၀၂၅-၂၆ ဘောလုံးရာသီမှာ ဝုဗ်အသင်းအတွက် ၂၈ ပွဲ ကစား၊ သုံးဂိုးသာ သွင်းယူနိုင်ခဲ့ပါတယ်။

talkSPORT ရဲ့ ဖော်ပြချက်အရ ဝုဗ်က အင်္ဂလန်ထိပ်တန်းလိဂ်မှာ ခြေစွမ်းမပြသနိုင်တဲ့ အာရိုကိုဒါရီအတွက် ဝယ်လက်ရှာဖွေဖို့ ခက်ခဲနိုင်လို့ အငှားဖြင့်ထွက်ခွာခွင့်ပြုဖို့ ပြင်ဆင်နေတယ်လို့ သိရပါတယ်။

ဒီနွေရာသီအပြောင်းအရွှေ့ကာလမတိုင်ခင် နိုင်ဂျီးရီးယားလက်ရွေးစင်တိုက်စစ်မှူးရဲ့ ဈေးကွက်တန်ဖိုးကို ယူရို ၁၈ သန်းဝန်းကျင် သတ်မှတ်ထားပါတယ်။