ဆိုရှယ်မီဒီယာမှတဆင့် ဝုဗ်ကစားသမားအဆုံးသတ်တော့မယ်လို့ ဂျာအိုဂိုးမက်စ်အတည်ပြု
ဖူလ်ဟမ်နဲ့သရေကျခဲ့တဲ့ တနင်္ဂနွေနေ့ပရီးမီးယားလိဂ်ပွဲစဉ်က ဂျာအိုဂိုးမက်စ်အတွက် ဝုဗ်အသင်းရဲ့ Molineux ကွင်းမှာ နောက်ဆုံးကစားခဲ့တဲ့ ပွဲစဉ် ဖြစ်လာခဲ့ပါတယ်။
ဝုဗ်အသင်းက စိတ်ပျက်စရာကောင်းတဲ့ ရာသီတစ်ခုကို ဖြတ်သန်းခဲ့ပြီးနောက် ပြီးခဲ့တဲ့ဧပြီလအတွင်း ပရီးမီးယားလိဂ်မှတန်းဆင်းဖို့အတွက် သင်္ချာနည်းအရ သေချာသွားခဲ့ပါတယ်။
အသင်းပရိသတ်တွေက စိတ်ပျက်စရာကောင်းလွန်းလှတဲ့ အနိမ့်ကျဆုံးအချိန်တွေကို အကြိမ်ကြိမ် ကြုံတွေ့ခဲ့ရပေမဲ့ "ဘောလုံးလုယူတဲ့စက်" လို့ တင်စားရတဲ့ ဂိုးမက်စ်ရဲ့ခြေစွမ်းပြမှုတွေကြောင့် ရှားရှားပါးပါး အားတက်စရာ အချက်တစ်ခု ဖြစ်ခဲ့ပါတယ်။
ဒီဘရာဇီးလ်ကစားသမားက ၂၀၂၃ ခုနှစ် ဇန်နဝါရီလမှာ ဖလာမင်ဂိုအသင်းမှ ရောက်ရှိလာပြီး ဝုဗ်အတွက် အကောင်းဆုံးကိုယ်စားပြုကစားပေးခဲ့ကာ ထိပ်တန်းကလပ်အသင်းကြီးတစ်ခုမှာ ကစားခွင့်ရဖို့ ထိုက်တန်သူဖြစ်တယ်ဆိုတာကို အငြင်းပွားဖွယ်မရှိ သက်သေပြနိုင်ခဲ့ပါတယ်။
အက်သလက်တီကိုမက်ဒရစ်အသင်းက ဂိုးမက်စ်ကိုခေါ်ယူဖို့ နီးစပ်နေပြီလို့ သတင်းတွေ ထွက်ပေါ်နေသလို အသက် ၂၅ နှစ်အရွယ် ဂိုးမက်စ်ကိုယ်တိုင်လည်း ဖူလ်ဟမ်နဲ့ရင်ဆိုင်ရမယ့် Molineux ကွင်းပွဲစဉ်ကို သူ့ကစားရမယ့် နောက်ဆုံးအိမ်ကွင်းပွဲစဉ်ဖြစ်တယ်လို့ အသိအမှတ်ပြု ပြောကြားထားပါတယ်။
အခုဘောလုံးရာသီကုန်ဆုံးချိန်မှာ ဂိုးမက်စ်ရဲ့ဝုဗ်အသင်းကစားသမားဘဝ အဆုံးသတ်ရုံတင်မကဘဲ ဝုဗ်အသင်းရဲ့ ထိပ်တန်းလိဂ်မှာ ၈ နှစ်ကြာ ရပ်တည်နိုင်မှုလည်း တပါတည်း အဆုံးသတ်သွားဖို့ပဲ ကျန်ရှိပါတော့တယ်။
