တနင်္လာညပိုင်းပွဲစဉ်မှာ မန်ချက်စတာယူနိုက်တက်ရဲ့ခြိမ်းခြောက်မှုတွေကို သူတို့အသင်းကိုင်တွယ်ဖြေရှင်းနိုင်မယ်လို့ ဘရန့်ဖို့ဒ်နည်းပြကိတ်အန်ဒရူးစ်က ယုံကြည်မှုအပြည့်နဲ့ ပြောဆိုလိုက်ပါတယ်။ ဒီပွဲစဉ်မှာ ပြိုင်ဘက်ကလပ်အသင်းနှစ်ခုလုံးရဲ့ ဥရောပဝင်ခွင့်အတွက် အလွန်အရေးပါနေလို့ ယူနိုက်တက်ဆီမှ ဘာတွေမျှော်လင့်ထားရမလဲဆိုတာကို သူတို့ ကောင်းကောင်းသိထားတယ်လို့လည်း အန်ဒရူးစ်က ဆိုပါတယ်။

"ကျွန်တော်တို့က ဒီပွဲစဉ်ကိုလည်း တခြားပွဲစဉ်တွေအတိုင်းပဲ ပုံမှန်အတိုင်း ချဉ်းကပ်သွားပါမယ်" လို့ အန်ဒရူးစ်က ပြောပါတယ်။ "သူတို့ရဲ့အားသာချက်တွေကို ကျွန်တော်တို့ ကောင်းကောင်းသိပါတယ်။ သူတို့ဆီမှာ ကျွန်တော်တို့ သတိထားပြီး ထိန်းချုပ်ထားဖို့လိုအပ်တဲ့ ထူးချွန်ကစားသမားကောင်းတွေ အများကြီးရှိပါတယ်" လို့ ၎င်းက ဆိုပါတယ်။

ဆက်လက်ပြီး အန်ဒရူးစ်က "ဒါက ကျွန်တော်တို့အတွက်တော့ စိတ်လှုပ်ရှားစရာကောင်းတဲ့ ပွဲစဉ်တစ်ခုပါ။ ကျွန်တော် ကစားသမားတွေကို ပြောထားတာကတော့ ကျွန်တော်တို့မှာ ယူနိုက်တက်၊ မန်စီးတီး၊ လီဗာပူးတို့နဲ့ ကစားရမယ့် အဝေးကွင်းပွဲစဉ်ကြီးသုံးခုနဲ့ ဝက်စ်ဟမ်း၊ ပဲလေ့စ်တို့နဲ့ ကစားရမယ့် အိမ်ကွင်းလန်ဒန်ဒါဘီပွဲစဉ်နှစ်ခု ရှိနေတယ်ဆိုတာပါပဲ။ လက်ရှိမှာ ကျွန်တော်တို့က အခြေအနေကောင်းတစ်ခုမှာ ရှိနေပေမဲ့ ဒီရလဒ်အပေါ်မှာတင် အားရကျေနပ်မနေဘဲ ဆက်ပြီးတော့ ကြိုးစားသွားချင်ပါတယ်" လို့ ပြောကြားခဲ့ပါတယ်။

ဒါ့အပြင် အိုးထရက်ဖို့ဒ်ကွင်းနဲ့ ပတ်သက်ပြီးတော့လည်း "အိုးထရက်ဖို့ဒ်ဆိုတာ ကွင်းရဲ့သမိုင်းကြောင်းနဲ့ ကလပ်အသင်းရဲ့ဂုဏ်ဒြပ်တွေကြောင့် ဘောလုံးကစားဖို့အတွက် တကယ့်ကို ထူးခြားတဲ့နေရာတစ်ခုပါ။ ကစားသမားတစ်ဦးအတွက် အဲ့ဒီကိုသွားပြီး ကိုယ့်ကိုယ်ကိုယ် စမ်းသပ်ချင်ကြပါလိမ့်မယ်။ ဒါက ကျွန်တော်တို့အတွက်တော့ တကယ့်ကိုခက်ခဲတဲ့စမ်းသပ်မှုတစ်ခု ဖြစ်လာပါလိမ့်မယ်"လို့ ထပ်လောင်းပြောကြားခဲ့ပါတယ်။