မန်စီးတီးကနေ ထွက်ခွာဖို့ ပြင်ဆင်နေတဲ့ ဂျွန်စတုန်းစ်
အင်္ဂလန် ဝါရင့်နောက်ခံလူ ဂျွန်စတုန်းစ်ဟာ ဒီနွေရာသီမှာ မန်ချက်စတာစီးတီးအသင်းကနေ ထွက်ခွာဖို့ ပြင်ဆင်နေပါတယ်။ မန်စီးတီးနဲ့ သူနဲ့ချုပ်ဆိုထားတဲ့ စာချုပ်သက်တမ်းဟာ အခုဘောလုံးရာသီမှာ ကုန်ဆုံးတော့မှာ ဖြစ်ပါတယ်။
အပြောင်းအရွှေ့ကျွမ်းကျင်သူ ဖာဘရီဇီယိုရိုမာနိုက "ဂျွန်စတုန်းစ်ဟာ ဒီနွေရာသီမှာ အလွတ်ပြောင်းရွှေ့ကြေးနဲ့ မန်စီးတီးကနေ ထွက်ခွာလိမ့်မယ်လို့ မျှော်လင့်ရပါတယ်" လို့ သူ့ရဲ့ X လူမှုကွန်ရက်စာမျက်နှာမှာ ရေးသားဖော်ပြခဲ့ပါတယ်။
အသက် ၃၁ နှစ်အရွယ် နောက်ခံလူဟာ ရာသီကုန်အထိ အသင်းကို အစွမ်းကုန် ကူညီပေးသွားချင်နေပြီး မန်စီးတီးမှာ သမိုင်းမှတ်တိုင်တွေ စိုက်ထူပြီးနောက် ထွက်ခွာဖို့ ရှိနေတာပါ။ ဒါ့အပြင် ဘာနာဒိုဆေးလ်ဗားနဲ့ ဂျွန်စတုန်းစ်တို့ နှစ်ယောက်စလုံးဟာ လာမယ့် ဇွန်လမှာ အသင်းကနေ ထွက်ခွာကြတော့မှာ ဖြစ်ပါတယ်။
ဂျွန်စတုန်းစ်အနေနဲ့ သူ့ရဲ့အသင်းဟောင်း အဲဗာတန်ဆီ ပြန်လည်ရောက်ရှိနိုင်တယ်ဆိုတဲ့ ပြောဆိုမှုတွေလည်း ထွက်ပေါ်နေပါတယ်။
