အမှတ်ပေးချန်ပီယံဆုအတွက် အကောင်းဆုံးရှေ့ဆက်နေတဲ့ အင်တာမီလန်
အင်တာမီလန် ၅-၂ ရိုးမား (ပွဲပြီးရလဒ်)
စီရီးအေထိပ်သီးကလပ်အသင်းနှစ်ခုရဲ့ ဆန်စီရိုကွင်းထိပ်တိုက်တွေ့ဆုံမှုကတော့ သွင်းဂိုးတွေနဲ့အတူ ဖျော်ဖြေမှုရသအပြည့် ပေးစွမ်းခဲ့ပါတယ်။ အခုပွဲစဉ်ရဲ့ပထမပိုင်းပွဲချိန်အတွင်း လော်တာရိုမာတီနက်ဇ်ရဲ့ဦးဆောင်ဂိုးကို မန်စီနီချေပနိုင်ခဲ့ပေမယ့် နာကျင်အချိန်ပိုမှာ ကယ်လ်ဟာနိုဂလူက အိမ်ရှင်တွေအတွက် အရေးပါတဲ့ဦးဆောင်ဂိုးကို သွင်းယူခဲ့ပါတယ်။ ဒုတိယပိုင်းစတင်လာချိန်မှာတော့ လော်တာရိုမာတီနက်ဇ်၊ မားကပ်စ်သူရမ်၊ ဘာရယ်လာတို့က အိမ်ရှင်တွေအတွက် အဖိုးတန်နိုင်ပွဲရရှိစေမယ့် သွင်းဂိုးတွေကို ရှာဖွေပေးခဲ့ပြီး နောက်ပိုင်းမှာ ပယ်လီဂရီနီက ဧည့်သည်တွေအတွက် ဒုတိယမြောက်ချေပဂိုးကို သွင်းယူခဲ့ပါတယ်။ အခုပွဲစဉ်ရလဒ်ပိုင်းကြောင့် အင်တာမီလန်က နာပိုလီနဲ့ပွဲကျပ်ရင်ဆိုင်ရမယ့် အနီးဆုံးပြိုင်ဘက်အေစီမီလန်ကို ကိုးမှတ်ဖြတ်ကာ အမှတ်ပေးဇယားထိပ်ဆုံးနေရာမှာ ရပ်တည်နေခဲ့ပြီး ရိုးမားရဲ့ချန်ပီယံလိဂ်ဝင်ခွင့်မျှော်လင့်ချက်ကတော့ ထိုးနှက်ခံခဲ့ရပါတယ်။
