ကာမာဗင်ဂါအတွက် ရီးရဲလ်မက်ဒရစ်က ပြောင်းရွှေ့ကြေးသတ်မှတ်လိုက်လို့ လီဗာပူးနဲ့ နယူးကာဆယ်တို့ သတိထားစောင့်ကြည့်လာကြ
ရီးရဲလ်မက်ဒရစ်က ကာမာဗင်ဂါအတွက် ပြောင်းရွှေ့ကြေးကို သတ်မှတ်လိုက်ပါပြီ။
Radio Marca ရဲ့ဖော်ပြချက်အရ ရီးရဲလ်မက်ဒရစ်က လာမယ့်နွေရာသီမှာ ပြင်သစ်လက်ရွေးစင် ကစားသမားအတွက် ကမ်းလှမ်းမှုတွေကို လက်ခံစဉ်းစားသွားမယ်လို့ သိရပါတယ်။
ကာမာဗင်ဂါဘက်ကလည်း ပြီးခဲ့တဲ့ ၁၂ လအတွင်း သူအကြိုက်ဆုံး ကွင်းလယ်နေရာမှာ အမြဲတမ်း ပွဲထွက်ခွင့်မရရှိလို့ အသင်းမှထွက်ခွာဖို့ လမ်းဖွင့်ပေးထားပါတယ်။
ပရီးမီးယားလိဂ်ဆီပြောင်းရွှေ့ဖို့ဆိုတာ သူ့အတွက် အလားအလာရှိတဲ့ ရွေးချယ်ခွင့်တစ်ခု ဖြစ်နေပြီး နယူးကာဆယ်နဲ့ လီဗာပူးအသင်းတို့ကလည်း သူ့ကို ခေါ်ယူဖို့ အခိုင်အမာ စိတ်ဝင်စားနေကြပါတယ်။
လာမယ့်အပြောင်းအရွှေ့ဈေးကွက်မှာ ရီးရဲလ်မက်ဒရစ်က ကာမာဗင်ဂါကို သင့်တော်တဲ့ ဈေးနှုန်းဖြစ်တဲ့ ယူရို သန်း ၅၀ ဖြင့်ရောင်းချဖို့ ဆန္ဒရှိနေတယ်လို့လည်း သတင်းထွက်ပေါ်လာပါတယ်။
အသက် ၂၃ နှစ်အရွယ်ကစားသမားက ရီးရဲလ်မက်ဒရစ်နဲ့ ၂၀၂၉ ခုနှစ်အထိ စာချုပ်သက်တမ်းရှိနေပါတယ်။
