မန်စီးတီးကိုအနိုင်ရခဲ့တဲ့ ယူ-၁၈ ပွဲစဉ်မှာ ခြေစွမ်းပြခဲ့တဲ့ အိုဘီ
စနေနေ့က ကစားခဲ့တဲ့ မန်ချက်စတာယူနိုက်တက် ယူ-၁၈ အသင်းနဲ့ မန်ချက်စတာစီးတီးတို့ရဲ့ အကြိတ်အနယ်ရှိလှတဲ့ ဒါဘီပွဲစဉ်မှာ ဂျေဂျေ ဂါဘရီရယ်လ် ဂိုးသွင်းယူနိုင်ခဲ့ပြီး ယူနိုက်တက်တို့ အနိုင်ရရှိခဲ့ပါတယ်။ ဒီပွဲမှာ ယူနိုက်တက်က ၃-၁ ဂိုးနဲ့ အနိုင်ရရှိခဲ့တာဖြစ်ပြီး ဂိုးတွေအားလုံးကိုတော့ ဒုတိယပိုင်းမှာပဲ သွင်းယူခဲ့ကြတာပါ။
အဲဒီမတိုင်ခင်မှာ ချီဒို အိုဘီက ဂိုးတိုင်ကို နှစ်ကြိမ်တိုင်တိုင် ထိမှန်အောင် ကန်သွင်းနိုင်ခဲ့သလို ဒုတိယပိုင်း အလယ်လောက်မှာ ဂါဘရီရယ်လ်က ယူနိုက်တက်အတွက် ဦးဆောင်ဂိုး သွင်းပေးခဲ့ပါတယ်။ မန်စီးတီးဘက်က တိုင်ရွန် ဆမ်ဘာက ချေပဂိုးတစ်ဂိုး ပြန်သွင်းခဲ့ပြီး မကြာခင်မှာပဲ အိုဘီက တစ်ကိုယ်တော် ခြေစွမ်းပြပြီး အံ့အားသင့်ဖွယ် နောက်ထပ်ဂိုးတစ်ဂိုး ထပ်မံသွင်းယူခဲ့ပါတယ်။ ပွဲပြီးခါနီးမှာတော့ အိုဘီကြောင့် ရရှိခဲ့တဲ့ ပြစ်ဒဏ်ဘောကတစ်ဆင့် ဂျင်မ် သွိုက်စ်က လှပတဲ့ တိုက်ရိုက်ပြစ်ဒဏ်ဘောကန်ချက်နဲ့ အသင်းအတွက် သေချာပေါက်အနိုင်ရစေမယ့်ဂိုးကို ရယူပေးခဲ့ပါတယ်။
