အသက် ၂၇ နှစ်အရွယ် ကစားသမားဟာ ၂၀၂၃ ခုနှစ်တွင် အာရ်ဘီ လိုက်ပ်ဇစ်မှ ပေါင် ၅၂ သန်းဖြင့် ချဲလ်ဆီးသို့ ရောက်ရှိခဲ့သော်လည်း စတန်းဖို့ဒ်ဘရစ်ခ်ျရှိ ပထမဆုံးရာသီက ဒူး၊ တင်ပါးနှင့် ကြွက်သားဒဏ်ရာများကြောင့် အနှောင့်အယှက်ဖြစ်ခဲ့ရပါတယ်။ သို့သော် အန်ကွန်ကူက ယခုရာသီတွင် အများစု ကြံ့ခိုင်မှုအပြည့်ရှိခဲ့သော်လည်း ပရီးမီးယားလိဂ်တွင် ပွဲကိုးပွဲသာ စတင်ကစားခဲ့ရပြီး အန်ဇို မာရက်စကာ လက်အောက်တွင် ပုံမှန်ပွဲထွက်မှုရရှိရန် ရုန်းကန်ခဲ့ရပါတယ်။

ဗုဒ္ဓဟူးနေ့ ညနေပိုင်းတွင် ရီးရဲလ်ဘက်တစ်နှင့် ကစားခဲ့တဲ့ ချဲလ်ဆီးရဲ့ ကွန်ဖရင့်လိဂ်ဗိုလ်လုပွဲတွင် ပြင်သစ်တိုက်စစ်မှူးက အရန်ခုံတွင်သာ ထိုင်နေခဲ့ရပြီး မာရက်စကာက ၁၉ နှစ်အရွယ် တိုက်စစ်မှူး မာ့ခ်ဂူယူ ကို နောက်ဆုံးပိုင်းတွင် ထည့်သွင်းကစားခဲ့ပါတယ်။ အန်ကွန်ကူဟာ ဇန်နဝါရီ အပြောင်းအရွှေ့ကာလတွင် ဘိုင်ယန်မြူးနစ်နှင့် အာဆင်နယ်တို့ရဲ့ စိတ်ဝင်စားမှုကို ဆွဲဆောင်နိုင်ခဲ့သော်လည်း ချဲလ်ဆီးက ပေါင်သန်း ၅၀ ကျော် အပြောင်းအရွှေ့ကြေးကို တောင်းဆိုခဲ့ပါတယ်။

talkSPORT ရဲ့ ဖော်ပြချက်အရ အန်ကွန်ကူဟာ ပြိုင်ဘက် ပရီးမီးယားလိဂ်အသင်းသို့ ပြောင်းရွှေ့ရန် ပွင့်လင်းဆဲဖြစ်ပြီး တော့တင်ဟမ်ဟာ နွေရာသီ အပြောင်းအရွှေ့မစတင်မီ စုံစမ်းမေးမြန်းမှုများ ပြုလုပ်ခဲ့တဲ့ နောက်ဆုံးကလပ်ဖြစ်ပါတယ်။ အန်ကွန်ကူဟာ ယခုအပတ်တွင် လေဗာကူဆင် မှ ဂျွန်နသန်တာ ကို အလွတ်ဖြင့်ခေါ်ယူခဲ့တဲ့ ဘိုင်ယန်မြူးနစ်သို့ ပြောင်းရွှေ့ရန် အခွင့်အရေးကိုလည်း စဉ်းစားနိုင်တယ်လို့ သတင်းတွေမှာ ထပ်လောင်းဖော်ပြထားပါတယ်။

အခြားတစ်ဖက်တွင် ချဲလ်ဆီးဟာ အင်းဆွစ်ချ်တောင်း တိုက်စစ်မှူး လီယမ်ဒီလက်ပ်ကို ခေါ်ယူရန် ပြိုင်ပွဲတွင် အနိုင်ရရန် သေချာသလောက်ရှိနေပါတယ်။ ယခုရာသီတွင် ပရီးမီးယားလိဂ်၌ ၁၂ ဂိုး သွင်းယူခဲ့တဲ့ အသက် ၂၂ နှစ်အရွယ် ကစားသမားဟာ အင်းဆွစ်ချ်နှင့် စာချုပ်ပါသဘောတူညီချက် ပေါင်သန်း ၃၀ ဖြင့် ခေါ်ယူရရှိနိုင်မှာဖြစ်ပါတယ်။ ယူနိုက်တက်ကလည်း ဒီလက်ပ်ကို ခေါ်ယူရန် ဆွေးနွေးခဲ့သော်လည်း တိုက်စစ်မှူးဟာ ယခုအခါ ချဲလ်ဆီးသို့ ပြောင်းရွှေ့ရန် မီးစိမ်းပြလိုက်ပြီလည်း ဖြစ်ပါတယ်။ ချဲလ်ဆီးဟာ ဖရန့်ဖတ် တိုက်စစ်မှူး ဟူဂို အကီတီကီ နှင့် အာဆင်နယ်က လိုချင်နေတဲ့ စပို့တင်း စီပီ တိုက်စစ်မှူး ဗစ်တာ ရောကရက်စ်တို့ကိုလည်း ပစ်မှတ်ထားခဲ့ပါတယ်။