မက်ဆီကို ၂၀၂၅ အစောပိုင်းမှာ အနားပေးမယ့် မာရှေးယာနို
အင်တာမိုင်ယာမီအသင်းနည်းပြ မာရှေးယာနိုက သူ့အနေနဲ့ မက်ဆီရဲ့ကြံ့ခိုင်မှုအခြေအနေကို စိုးရိမ်မိတယ်လို့ ဝန်ခံပြောကြားခဲ့ပြီး ၂၀၂၅ အစောပိုင်းမှာ အနားပေးမယ်လို့ ပြောကြားလိုက်ပါတယ်။ အင်တာမိုင်ယာမီဟာ ဒီရာသီ ၄ ပွဲသာကန်ထားရသေးသလို မက်ဆီက မေဂျာလိဂ်မှာရဲ့ MVP ဖြစ်ခဲ့ပေမယ့် အဆိုပါ ၄ ပွဲထဲက ၁ ပွဲဖြစ်တဲ့ ဟူစတန်ကို ၄-၁ နဲ့အနိုင်ရခဲ့တဲ့ပွဲမှာ မပါဝင်ခဲ့တာဖြစ်ပါတယ်။ မက်ဆီမပါဝင်နိုင်မှုကြောင့် အဆိုပါပွဲမှာ ဖရီးကစ်ကနေ ဂိုးရဖို့ အခွင့်အရေးနည်းပါးခဲ့ပါတယ်။
ပရိသတ်တွေကတော့ မက်ဆီကို ပွဲတွေမှာ ပြန်လည်မြင်တွေ့ချင်နေကြပါတယ်။ ဒါပေမယ့် အင်တာမိုင်ယာမီနည်းပြ မာရှေးယာနိုက မက်ဆီရဲ့ကြံ့ခိုင်မှုနဲ့ပတ်သက်ပြီး အလောင်းအစားမလုပ်လိုနေတာဖြစ်ပါတယ်။ “လီယိုမှာ ဘာဒဏ်ရာပြဿနာမှမရှိပါဘူး။ ယေဘုယျအားဖြင့် အခုပွဲတွေမှာ သူမောပန်းမှုဒဏ်ကို ခံစားရပါတယ်။ သူ့ကိုဝန်ပိစေပါတယ်။ ဒါကြောင့် ကျွန်တော်တို့ ဟူစတန်နဲ့ပွဲမှာ သူ့ကိုအနားပေးခဲ့တာပါ။ ကျွန်တော်တို့မှာ ဒဏ်ရာပြဿနာအချို့ရှိနေပါတယ်။ ဒါကြောင့် အရေးပါတဲ့ကစားသမားတွေကို ထပ်ပြီးလက်မလွှတ်ချင်ပါဘူး။ တကယ်လို့ မက်ဆီကို သေချာအနားမပေးရင် သူ့ကို ၁ လလောက်လက်လွှတ်ရနိုင်ပါတယ်။ လာမယ့်ကွန်ကာကက်ဖ်ချန်ပီယံဖလားပြိုင်ပွဲမှာတော့ မက်ဆီနဲ့အတူ အခြားကစားသမားတွေပါဝင်နိုင်ပါတယ်။ ကျွန်တော်တို့ ဆက်လက်စောင့်ကြည့်ရပါမယ်။ ဒီနေ့မှာ အသင်းဘက်က ၁၀၀% မသေချာခဲ့ပါဘူး။ လီယိုက လေ့ကျင့်ခန်းဆင်းနေပါတယ်။ ကျွန်တော်တို့ သူ့အခြေအနေကို စောင့်ကြည့်ပြီး ဆုံးဖြတ်ရပါမယ်”လို့ မာရှေးယာနိုက ပြောကြားခဲ့ပါတယ်။
အင်တာမိုင်ယာမီဟာ လာမယ့်တနင်္ဂနွေနေ့မှာ ချာလိုတီအသင်းနဲ့ကန်ရမှာဖြစ်ပြီး မက်ဆီအနေနဲ့ ပါဝင်လာမလားဆိုတာတော့ စောင့်ကြည့်ရဦးမှာဖြစ်ပါတယ်။
