စပိန်အသင်းနည်းပြ ဒီလာဖွန်တီက ပီဒရီတစ်ယောက် လာမယ့်နယ်သာလန်နဲ့ပွဲမှာ ပါဝင်ဖို့ အသင့်ဖြစ်နေပြီလို့ ပြောကြားလိုက်ပါတယ်။ စပိန်အသင်းဟာ ရော်နယ်ကိုးမန်းရဲ့နယ်သာလန်အသင်းနဲ့ ကွာတားဖိုင်နယ် ၂ ပွဲကန်ရမှာဖြစ်ပါတယ်။ ဒီလာဖွန်တီက နယ်သာလန်နဲ့ပွဲအတွက် လူရွေးချယ်ရာမှာ ဘာစီလိုနာစတား ၇ ဦးအထိ ရွေးချယ်ထားခဲ့ပါတယ်။

ပီဒရီကတော့ ယခင် ယူရို ၂၀၂၄ တုန်းက ဒဏ်ရာကြောင့် အနည်းငယ်သာ ပါဝင်ခွင့်ရရှိခဲ့ပြီး အဲ့ကတည်းက အသက် ၂၂ နှစ်သားဟာ ကြံ့ခိုင်မှုပြည့်ဝဖို့ လုပ်ဆောင်ခဲ့ရတာဖြစ်ပါတယ်။ အခုချိန်မှာတော့ ပီဒရီဟာ ဒီရာသီ ဖလစ်ရဲ့ဖလား ၃ လုံးလမ်းကြောင်းပေါ် လျှောက်လှမ်းနေရာမှာ ပါဝင်နေတာဖြစ်ပါတယ်။ ဒီလာဖွန်တီက ၂၀၂၅ မှာ ရိုဒရီမရှိတာကြောင့် ကွင်းလယ်မှာ ပီဒရီကိုဦးတည်ပြီး တည်ဆောက်ဖို့ ပြင်ဆင်နေသလို စပိန် နဲ့ ဘာစီလိုနာရဲ့အကောင်းဆုံးဗားရှင်းဖြစ်လိမ့်မယ်လို့ ယုံကြည်နေပါတယ်။

“ပီဒရီက ကမ္ဘာ့အကောင်းဆုံးကစားသမားတွေထဲကတစ်ယောက်ပါ။ သူက ရင့်ကျက်လာာသလို စွမ်းဆောင်ရည်လည်း တည်ငြိမ်လာပါတယ်။ အဲ့တာက သူ့အရင်တုန်းက ဘယ်တော့မှမရှိခဲ့တဲ့အရာပါ။ ပီဒရီရဲ့အကောင်းဆုံးဗားရှင်းကို မမြင်ရသေးပါဘူး။  ကျွန်တော်တို့ သူ့အခြေအနေကို နှစ်သက်ပါတယ်။ သူက အခြေအနေအမျိုးမျိုးမှာ စွယ်စုံပေးစွမ်းနိုင်ပါတယ်။ ကျွန်တော်တို့ သူ့ကိုဧရိယာထဲအနီးကပ်နေစေချင်ပါတယ်။ ဘာစီလိုနာမှာ အနည်းငယ်နောက်ဆင်းကစားခဲ့ရပါတယ်။

သူက ကွင်းလယ်မှာ ရွေးချယ်စရာများစေနိုင်ပါတယ်။ ပြီးတော့ အဲ့နေရာမှာ သူက ကမ္ဘာ့အကောင်းဆုံးကစားသမားတွေထဲကတစ်ဦးပါ။ ကျွန်တော်တို့မှာ တန်ဖိုးတွေရှိပါတယ်။ စပိန် နဲ့ အခြားအသင်းဖော်တွေလည်း အတူတူပါပဲ”လို့ ဒီလာဖွန်တီက ပြောကြားခဲ့ပါတယ်။
ပီဒရီဟာ နိုင်ငံအသင်းအတွက်ဂိုးတွေထပ်သွင်းနိုင်ဖို့ မျှော်လင့်နေပြီး ၂၀၂၄ တုန်းက အိုင်ယာလန်နဲ့ပွဲမှာ ဂိုးသွင်းနိုင်ခဲ့ပြီးနောက် ဂိုးမရတော့တာဖြစ်ပါတယ်။ ဘာစီလိုနာအတွက်တော့ ဒီရာသီမှာ ပီဒရီတစ်ယောက် ၅ ဂိုးအထိသွင်းယူထားနိုင်ခဲ့ပါတယ်။