မန်စီးတီးတောင်ပံကစားသမား ဂျက်ဂရီးလစ်ရှ်ကတော့ အသင်းနဲ့အတူ ပရီးမီးယားလိဂ်ချန်ပီယံဖြစ်ပြီးနောက် တစ်နေ့ကျရင်ချစ်သူ မော်ဒယ်မလေး ဆာရှာအက်ဝုဒ်ကို လက်ထပ်ဖို့စိတ်ကူးထားကြောင်း ထုတ်ဖော်ပြောကြားခဲ့ပါတယ်။ ဂရီးလစ်ရှ်တို့အတွဲဟာ ရာသီပိတ် ပွဲစဉ်မှာ အက်စတွန်ဗီလာကို ၃-၂ နဲ့ နိုင်ပြီးနောက် အီတီဟတ်ကွင်းထဲမှာ ရိုက်ကူးထားတဲ့ နှစ်ယောက်တွဲပုံလေးကိုတောင် တင်ထားပါသေးတယ်။ ပုံထဲမှာလည်း ဂရီးလစ်ရှ်က ဆာရှာရဲ့ပုခုံးကိုဖက်ပြီး ပြုံးရွှင်နေတာ တွေ့ရပါတယ်။

ဆာရှာနဲ့ဂျက်ဟာ ကျောင်းသားဘဝကတည်းက တွေ့ခဲ့ကြတာဖြစ်ပြီး အသက် ၁၆ နှစ်အရွယ်မှာ စတွဲခဲ့ကြတာဖြစ်ပါတယ်။ ဂူချီရဲ့အမှတ်တံဆိပ် ကိုယ်စာလှယ်ဖြစ်လာခဲ့ပြီးနောက် ဂရီးလစ်ရှ်ကိုယ်တိုင်က တစ်နေ့ကျရင် ဆာရှာကို လက်ထပ်ဖို့ ရည်ရွယ်ထားတဲ့ သူ့ရဲ့အစီအစဉ်တွေကိုလည်း ထုတ်ဖော်ပြောကြားခဲ့ပါတယ်။

ဂရီးလစ်ရှ်က “ကျွန်တော့်အမေနဲ့အဖေလည်း လက်ထပ်ပြီးသားပါ၊ အဲ့ဒါကြောင့် ကျွန်တော်လည်း လက်ထပ်ချင်ပါတယ်။ ပြောတာတော့လွယ်မှန်း သိပါတယ်။ ဒါပေမယ့် ကျွန်တော့်ရဲ့ ပန်းတိုင်ကိုက ပျော်ရွှင်ဖို့ပါ။ ဒါက ကျွန်တော့်ဘဝမှာ အရေးအကြီးဆုံးပါပဲ”လို့ ပြောခဲ့ပါတယ်။

ဒီနှစ်ဗယ်လင်တိုင်းဒေးတုန်းကလည်း နှစ်ယောက်အတူတူ ပျော်ရွှင်စွာ ဖြတ်သန်းခဲ့ပုံတွေကိုလည်း တင်ခဲ့ပါသေးတယ်။ သိပ်မကြာသေးမီကပဲ ဂရီးလစ်ရှ်တစ်ယောက် မင်းသမီးအမ်မလီအတက်ခ်၊ Towie စတား ကိုးလ်ဘရော့ကတ်တိုပနဲ့ တစ်ညလုံးပါတီပွဲ ဆင်နွှဲခဲ့သလို လျှို့ဝှက်ဒိတ်လည်း လုပ်ခဲ့တဲ့အတွက်ကြောင့် ဆာရှာရဲ့ဂျက်တို့ရဲ့ အချစ်ရေးက လှုပ်ခတ်ခဲ့ပါသေးတယ်။

ဒါပေမယ့် ပြဿနာတွေက အချိန်တိုအတွင်းမှာ ရှင်းသွားခဲ့ပြီး နှစ်ယောက်သာ ပျော်ရွှင်စွာ ပြန်လက်တွဲနိုင်ခဲ့ပါတယ်။ ပြီးခဲ့တဲ့နွေရာသီက ငယ်ဘဝကလပ် အက်စတွန်ဗီလာကနေ ဗြိတိန်စံချိန်တင် ပြောင်းရွှေ့ကြေး ပေါင်သန်း ၁၀၀ နဲ့ ပြောင်းရွှေ့ပြီးနောက် ဂရီးလစ်ရှ်ဟာ မန်စီးတီးအတွက် ပွဲပေါင်း ၃၉ ပွဲကစားပေးခဲ့ပါတယ်။