ပေါ်တူဂီနည်းပြ ရောဘတ်တို မာတီနက်ဇ်ဟာ ခရစ္စတီယာနို ရော်နယ်ဒိုကို ကာကွယ်ပြောကြားခဲ့ပြီး သူ့ရဲ့ အသင်းခေါင်းဆောင်ကို ဝေဖန်တာဟာ မမျှတဘူးလို့ တုံ့ပြန်ပြောကြားခဲ့ပါတယ်။

ရော်နယ်ဒိုဟာ ပေါ်တူဂီအသင်းရဲ့ နေရှင်းလိဂ် ကွာတားဖိုင်နယ် ပထမအကျော့အဖြစ် ဒိန်းမတ်ကို ၁-၀ ဂိုးနဲ့ ရှုံးနိမ့်ခဲ့တဲ့ပွဲမှာ ခြေစွမ်းမပြသနိုင်ခဲ့ပါဘူး။ ပေါ်တူဂီအသင်း အံ့အားသင့်ဖွယ် ရှုံးနိမ့်ခဲ့ပြီး ရော်နယ်ဒိုဟာ ပွဲကို သက်ရောက်မှု မရှိနိုင်တဲ့အတွက် ဝေဖန်ခံခဲ့ရပါတယ်။ မာတီနက်ဇ်က ပြန်လည်ကစားရမယ့်ပွဲစဉ်အတွက် သူ့ကစားသမားတွေကို စိတ်ဓာတ်တက်ကြွစေဖို့ ကြိုးစားရာမှာ ဒါဟာ နှစ်နှစ်အတွင်း နိုင်ငံရဲ့ အဆိုးရွားဆုံး စွမ်းဆောင်ရည်ဖြစ်တယ်လို့ ပြောကြားခဲ့ပေမယ့် သူ့ရဲ့အသင်းခေါင်းဆောင်တိုက်စစ်မှူးကို ဝေဖန်တာဟာ မမျှတဘူးလို့ သူက ခိုင်မာစွာ ပြောကြားထားပါတယ်။

ပြန်ကစားရမယ့်ပွဲမတိုင်ခင် သတင်းစာရှင်းလင်းပွဲမှာ မာတီနက်ဇ်က “ကျွန်တော်တို့ရဲ့ အသင်းဟာ နည်းဗျူဟာပိုင်းအရ အလွန်ပြောင်းလွယ်ပြင်လွယ်ရှိပါတယ်။ ကျွန်တော်တို့ဟာ တိုက်စစ်မှူးနှစ်ဦးနဲ့ ကစားခဲ့ပါတယ်။ကျွန်တော်တို့ရဲ့ ပြိုင်ဘက်အပေါ် မူတည်ပြီး ကစားသမားတွေကို အသုံးပြုဖို့ လိုအပ်ပါတယ်။ ဒါပေမယ့် ပွဲတိုင်းမှာ ခရစ္စတီယာနိုအကြောင်း ပြောဖို့ ကြိုးစားနေတာ မေးခွန်းမဟုတ်ပါဘူး။ ခရစ္စတီယာနို ရော်နယ်ဒို ဂိုးသွင်းရင် သူဟာ အသင်းရဲ့ အရေးအကြီးဆုံး ကစားသမားပါ။ သူ ဂိုးမသွင်းရင် သူ့ရဲ့ အသက်အရွယ်ကြောင့်ပါ။ ဒါဟာ မျှတတဲ့ အကဲဖြတ်မှု မဟုတ်ပါဘူး” လို့ ပြောကြားခဲ့ပါတယ်။

ပေါ်တူဂီရဲ့ အစောပိုင်းလူစာရင်းနဲ့ အသင်းမှာ ရော်နယ်ဒိုရဲ့ ရှိနေမှုဟာ မေးခွန်းတွေထုတ်စရာ ဖြစ်နေပါတယ်။ ဘော်လွန်ဒီအောဆု ၅ ကြိမ်ရရှိထားသူဟာ အရင်က အသင်းရဲ့လူစားရင်းတွင် ပထမဆုံးမှာရှိခဲ့ဖူးပေမယ့် အခု အခါ အသက် ၄၀ ရှိနေပြီဖြစ်လို့ သူ့ရဲ့ စွမ်းဆောင်ရည်က အထွတ်အထိပ်မှာ မရှိတော့တဲ့အတွက် မာတီနက်ဇ်ဟာ သူ့ကို ချန်ထားဖို့ ခက်ခဲတဲ့ ဆုံးဖြတ်ချက်ကိုချရမှာ သေချာပါတယ်။

၂၀၂၄ ဥရောပချန်ပီယံရှစ်မှာ ရော်နယ်ဒိုရဲ့ ဆိုးရွားတဲ့ စွမ်းဆောင်ရည်တွေကြောင့် ပေါ်တူဂီရှိ သူ့ရဲ့ အချိန်ဟာ ပြီးဆုံးသင့်ပြီလို့ အကြံပြုပေမယ့် တိုက်စစ်မှူးက လာမယ့်ကမ္ဘာ့ဖလားပြိုင်ပွဲမှာ ဆက်လက်ကစားဖို့ ကြိုးစားနေဆဲဖြစ်လို့ မာတီနက်ဇ်ဟာ ခက်ခဲတဲ့ ရွေးချယ်မှုတစ်ခုကို ပြုလုပ်ရပါလိမ့်မယ်။