နယူးကာဆယ်အသင်းရဲ့ အလက်ဇ်ဇန်းဒါး အီဆက်ခ်က သူ့အနာဂတ်နှင့်ပတ်သက်တဲ့ အချို့သော ကောလဟာလတွေဟာ ရယ်စရာကောင်းတယ်လို့ ဝန်ခံပြောကြားခဲ့ပြီး အချို့သော သတင်းတွေက လုံးဝမမှန်ကန်ကြောင်း ပြောကြားခဲ့ပါတယ်။

ဆွီဒင်လက်ရွေးစင်တိုက်စစ်မှူးဟာ ယခုရာသီတွင် အလွန်ကောင်းမွန်တဲ့ ပုံစံဖြင့် ကစားနေပြီး ထိုသို့ကစားနိုင်မှုများကြောင့် နယူးကာဆယ်မှ ထွက်ခွာမယ်လို့ သတင်းများ ထွက်ပေါ်လာခဲ့ပါတယ်။ အီဆက်ခ်ဟာ ကလပ်ရှိ စံချိန်များကို ချိုးဖျက်ကာ ဆက်တိုက်ဂိုးများ သွင်းယူနိုင်ခဲ့ပြီး ထိုကဲ့သို့စွမ်းဆောင်မှုများကြောင့် သူဟာ ရွှေဖိနပ်ဆုအတွက် ပြိုင်ဆိုင်နေသူလည်း ဖြစ်လာပါတယ်။

နယူးကာဆယ်တိုက်စစ်မှူးဟာ ၂၀၂၂ ခုနှစ်တွင် ကလပ်သို့ ရောက်ရှိလာပြီးနောက် သူ့ရဲ့အကောင်းဆုံး ရာသီကို ဖော်ဆောင်နေပြီး ပရီးမီးယားလိဂ်ထိပ်တန်းအသင်းများဖြစ်တဲ့ အာဆင်နယ်အပါအဝင် အချို့သောအသင်းတွေက ဗြိတိစံချိန်တင် ပြောင်းရွှေ့ကြေးဖြင့် ချိတ်ဆက်နေကြပါတယ်။

အီဆက်ခ်ဟာ ဇန်နဝါရီလတွင် အသင်းပြောင်းမှာ မဟုတ်ပဲ အသက် ၂၅ နှစ်အရွယ်ကစားသမားက ကောလဟာလတွေက ဘောလုံးကမ္ဘာရဲ့ တစ်စိတ်တစ်ပိုင်းဖြစ်ကြောင်း ဝန်ခံပြောကြားခဲ့ပြီး ထိုသတင်းတွေကို စိတ်ဝင်စားခြင်းမရှိဘဲ အချို့သတင်းတွေက သူ့အတွက် ရယ်စရာအဖြစ်သာ မြင်မိကြောင်း ပြောကြားခဲ့ပါတယ်။
သူက အလန်ရှီးယား နှင့် တွေ့ဆုံမေးမြန်းခန်းတွင် "ဒါကတော့ ခင်များနဲ့ ရင်းနှီးပြီးသား အရာတစ်ခုပါ။ တစ်ခါတစ်ရံမှာ သင်ဟာ ရယ်စရာကောင်းတဲ့ အရာတွေကို တွေ့ရတတ်တယ်။ ဒါမှမဟုတ် မမှန်ကန်တဲ့ အရာတွေကို တွေ့ရတတ်တယ်။ ဒါပေမယ့် အဲ့ဒီ့အရာတွေကတော့ ဘောလုံးလောကရဲ့ တစ်စိတ်တစ်ပိုင်းပါပဲ။ ဒါကို အရမ်းကြီး စိတ်မပူသင့်ပါဘူး" လို့ ပြောပါတယ်။

ရှီးယားက အီဆက်ခ်အား နယူးကာဆယ်တွင် နံပါတ် ၉ အင်္ကျီဝတ်ဆင်လိုတဲ့ ဆန္ဒနှင့်ပတ်သက်ပြီး မေးမြန်းခဲ့ပါတယ်။ ပရီးမီးယားလိဂ်ရဲ့ သွင်းဂိုးအများဆုံး ကစားသမားဖြစ်လာစဉ်က ရှီးယား ဝတ်ဆင်ခဲ့တဲ့ အင်္ကျီဖြစ်သော်လည်း အီဆက်ခ် နယူးကာဆယ်ရောက်ရှိလာတဲ့အချိန်မှာ ဝီလ်ဆင်က ထိုနံပါတ်ကို ဝတ်ဆင်ခဲ့တာကြောင့် အီဆက်ခ်ကတော့ ထိုနံပါတ်ကို ဝတ်ဆင်ရန် အစီအစဉ်မရှိကြောင်း ပြောကြားခဲ့ပါတယ်။

ဆွီဒင်လက်ရွေးစင်က "ကျွန်တော် နံပါတ် ၁၄ နဲ့ ကျေနပ်နေပါတယ်။ ဒါပေမယ့် နံပါတ် ၉ ဟာ ပရိသတ်တွေအတွက် အထူးအဓိပ္ပာယ်ရှိတဲ့ အင်္ကျီဖြစ်တယ်ဆိုတာ ကျွန်တော် သိပါတယ်" လို့ ပြောကြားခဲ့ပါတယ်။ အက်ဒီဟောင်းကလည်း အီဆက်ခ်ရဲ့ အနာဂတ်နှင့်ပတ်သက်ပြီး မေးခွန်းများကို ဖြေကြားခဲ့ရပြီး အထူးသဖြင့် PSR စည်းမျဉ်းများကြောင့် နယူးကာဆယ်အသင်းဟာ အီဆက်ခ်ကို ရောင်းချရန် လိုအပ်နိုင်တဲ့ အခြေအနေများတွင် ဖြေကြားခဲ့ရပါတယ်။ သို့သော်လည်း မန်နေဂျာက ကလပ်ဟာ သူတို့ရဲ့ အဓိကကစားသမားကို ထိန်းထားရန် စိတ်အားထက်သန်ကြောင်း ပြောကြားခဲ့ပါတယ်။

"အလက်ဇ်ဇန်းဒါးကို လွှတ်လိုက်ဖို့ ကျွန်တော် ဒါမှမဟုတ် နယူးကာဆယ်က ဘယ်သူမှ မရည်ရွယ်ပါဘူး။ သူဟာ ကျွန်တော်တို့ရဲ့ ရေရှည်အစီအစဉ်တွေရဲ့ အရေးပါတဲ့ အစိတ်အပိုင်းတစ်ခုပါ"

"သူဟာ ပထမတန်းစား ကစားသမားတစ်ယောက်ပါ။ သူဟာ စိတ်အားထက်သန်ပြီး ကောင်းကောင်းကစားချင်နေတဲ့ ကစားသမားတစ်ယောက်ဖြစ်ပါတယ်။ သူ့မှာ ကြီးမားတဲ့ ရည်မှန်းချက်တွေ ရှိပါတယ်။ ဒါပေမယ့် အသက်လည်း အရမ်းမကြီးသေးပါဘူး။ သူ့ရဲ့ ဂိုးသွင်းလိုစိတ်ဟာ ဘယ်သူနဲ့မှ ယှဉ်လို့မရနိုင်ပါဘူး။ သူ့အနာဂတ်နဲ့ ပတ်သက်ပြီး အရာအားလုံးဟာ အပြုသဘောဆောင်နေပါတယ်။ သူဟာ ကျွန်တော်တို့ကို ဆုတံဆိပ်တွေ ရရှိအောင် ကူညီပေးနိုင်မယ်လို့ မျှော်လင့်မိပါတယ်" လို့ အက်ဒီဟောင်းက ပြောကြားခဲ့ပါတယ်။