ဘယ်လင်ဂမ်၊ ဖိုဒန်နှင့် ကိန်းတို့ဟာ ရီးရဲလ်မက်ဒရစ်၊ မန်စီးတီးနဲ့ ဘိုင်ယန်မြူးနစ်တို့အတွက် သူတို့ရဲ့ အထင်ကြီးလောက်စရာကောင်းတဲ့ စွမ်းဆောင်မှုတွေကြောင့် ဒီရာသီချန်ပီယံလိဂ်ရဲ့အကောင်းဆုံးအသင်းမှာ ရွေးချယ်ခံခဲ့ရပါတယ်။

ဘာနေဗျူးရှိ ပထမဆုံးရာသီမှာ ဘယ်လင်ဟမ်က ရီးရဲလ်မက်ဒရစ်ကို ၁၅ ကြိမ်မြောက် စံချိန်တင် ချန်ပီလိဂ်ဆုဖလားရရှိအောင် ကူညီပေးနိုင်ခဲ့ပြီး အန်ဆယ်လော့တီရဲ့ အသင်းဟာ ဝင်ဘာလေမှာ ကစားခဲ့တဲ့ဖိုင်နယ်မှာ ဒေါ့မွန်အသင်းကို အနိုင်ရရှိခဲ့ပါတယ်။ မန်စီးတီးဟာ ကွာတားဖိုင်နယ်တွင် ရီးရဲလ်မက်ဒရစ်ကို ရှုံးနိမ့်ကာ ပြိုင်ပွဲမှထွက်ခဲ့ရပြီး ဖိုဒန်ဟာ ဥရောပတွင် ခြေစွမ်းပြခဲ့သလို ပြည်တွင်း၌လည်း အမှတ်ပေးဖလား ၆ ကြိမ်နှင့်အတူ ပရီးမီးယားလိဂ်ရဲ့တစ်နှစ်တာအကောင်းဆုံး ကစားသမားဆုကို ရရှိခဲ့ပါတယ်။

ဘိုင်ယန်မြူးနစ်ရှိ ပထမဆုံးရာသီမှာ ကိန်းဟာ ဆုဖလားတွေကို မရရှိခဲ့ပေမယ့် အင်္ဂလန် အသင်းခေါင်းဆောင်ကတော့ ၄၅ ပွဲကစားပြီး ၄၄ ဂိုး သွင်းယူကာ အံ့အားသင့်စရာကောင်းတဲ့ တစ်ဦးချင်းမှတ်တမ်းတွေကို တင်နိုင်ခဲ့ပါတယ်။ နဗီးလ်က ဘယ်လင်ဂမ်၊ ဖိုဒန်နှင့် ကိန်းတို့ကို ဘော်လွန်းဒီအော်ဆုအတွက် ဆန်ခါတင်စာရင်းမှာ ပါဝင်ဖို့ မျှော်လင့်နေပြီး ဆာကာကလည်း အဲဒီအခြေအနေနဲ့ မဝေးပါဘူးလို့ ပြောကြားလိုက်ပါတယ်။

ဆာကာဟာ အာဆင်နယ်အတွက် နောက်ထပ် ရလဒ်ကောင်းတစ်ခုရရှိကာ ဂိုး ၂၀ သွင်းယူကာ ၁၄ ကြိမ် ဖန်တီးမှုပြုလုပ်ထားပြီး သူ့ရဲ့ငယ်ဘဝကလပ်အား ချန်ပီယံဆုအတွက် စိန်ခေါ်နိုင်ဖို့နှင့် ချန်ပီယံလိဂ်ရှုံးထွက်အဆင့်သို့ရောက်ရှိအောင် ကူညီပေးခဲ့ပါတယ်။

ရီးရဲလ်မက်ဒရစ်နှင့် ပထမဆုံးရာသီအဖြစ် စနေနေ့ညက ဝင်ဘာလေမှာ ချန်ပီယံလိဂ်ဖလားကို ကိုင်မြှောက်ထားတဲ့ ဘယ်လင်ဂမ်ကို ကြည့်ပြီး လာလီဂါ၊ စူပါဖလား၊ သွင်းဂိုး ၂၃ ဂိုးနဲ့ လာလီဂါအကောင်းဆုံး ကစားသမားဆုတို့ကို ရရှိခဲ့တာက အံ့မခန်း အမှတ်ရစရာပါ။ ဆောက်ဂိတ်ဟာ ဒီနွေရာသီမှာ သူ့ရဲ့အကောင်းဆုံးတွေကို  ရရှိနိုင်မှာပါ။

"ယူအီးအက်ဖ်အေရဲ့ ရာသီအလိုက်အကောင်းဆုံး အသင်းကို ၂၀၂၃-၂၄ ခုနှစ် ချန်ပီယံလိဂ်ရဲ့ အကောင်းဆုံး ကစားသမားတွေနဲ့အတူ တနင်္လာနေ့က ထုတ်ပြန်ခဲ့ပြီး ဘယ်လင်ဂမ်၊ ဖိုဒန်နှင့် ကိန်းတို့ အားလုံး ပါဝင်ခဲ့ပါတယ်။ "အဲ့ဒီ ၃ ယောက်စလုံးဟာ ဒီနှစ်ကုန်မှာ ဘော်လွန်းဒီအော်ဆုအတွက် ပြိုင်ဆိုင်သူတွေ ဖြစ်လာမှာပါ။ အမ်ဘာပေ၊ ဂရစ်ဇ်မန်းတို့နှင့်အတူ ပြင်သစ်တစ်နိုင်ငံတည်းသာ အင်္ဂလန်ရဲ့ တိုက်စစ်စွမ်းရည်ကို ယခုအချိန်တွင် ယှဉ်နိုင်မှာဖြစ်ပါတယ်" "ဒါပေမယ့် အင်္ဂလန်ရဲ့ နက်နဲမှုက အံ့ဩစရာပါပဲ။ ဆာကာကလည်း အဲ့ဒီ ၃ ယောက်ရဲ့ အဆင့်အတန်းနဲ့ မဝေးပါဘူး"လို့ နဗီးလ်က The Overlap သတင်းတွင် ရေးသားခဲ့ပါတယ်။

ဂါရတ် ဆောက်ဂိတ်ရဲ့ အသင်းဟာ သူတို့ရဲ့ အဓိကဆုဖလားကို နောက်ဆုံးမှာ စောင့်မျှော်နေတာကြောင့် ဆာကာဟာ ယူရို ၂၀၂၄ မှာ အင်္ဂလန်အသင်းအတွက် စတင်ကစားဖို့ မျှော်လင့်နေပါတယ်။ တနင်္လာနေ့တွင် ဘော့စနီးယားနှင့်ဟာဇီဂိုဗီးနားကို ၃-၀ ဂိုးဖြင့် အနိုင်ရကာ သောကြာနေ့တွင် ဝင်ဘာလေကွင်း၌ အိုက်စလန်နှင့် ရင်ဆိုင်မှာဖြစ်ပြီး ယူရိုပြိုင်ပွဲအတွက် ဂျာမနီသို့ မသွားရောက်မီ ခြေစမ်းပွဲများ ကစားနေတာဖြစ်ပါတယ်။