The network connection is lost.

Banner Image

ပေါ်တူဂီနဲ့ဂျာမနီ၊ ပြင်သစ်နဲ့စပိန်တို့ ထိပ်တိုက်တွေ့ဆုံနေတဲ့ နေရှင်းလိဂ်ဆီမီးဖိုင်နယ်ပွဲစဉ်များ

တနင်္လာနေ့နံနက်ကယှဉ်ပြိုင်ခဲ့တဲ့ ယူအီးအက်ဖ်အေနေရှင်းလိဂ် ကွာတားဖိုင်နယ်ဒုတိယအကျော့ပွဲစဉ်တွေအပြီးမှာတော့ အသင်း ၄ သင်း ဆီမီဖိုင်နယ်အသင်းသို့တက်လှမ်းနိုင်ခဲ့ပြီး ကျန်တဲ့အသင်း ၄ သင်းကတော့ ပြိုင်ပွဲကိုလက်ပြနှုတ်ဆက်ခဲ့ရပါတယ်။ 

နယ်သာလန်ကို ပင်နယ်တီအဆုံးအဖြတ်နဲ့အနိုင်ရခဲ့တဲ့ စပိန်၊ အီတလီကို ၁ ဂိုးအသာနဲ့အနိုင်ရခဲ့တဲ့ ဂျာမနီ၊ ဒိန်းမတ်ကို ဂိုးပြတ်နိုင်ခဲ့တဲ့ပေါ်တူဂီနဲ့ ခရိုအေးရှားကို ပင်နယ်တီမှာအနိုင်ရခဲ့တဲ့ ပြင်သစ်တို့သာ ဆီမီးဖိုင်နယ်အဆင့်သို့ တက်လှမ်းလာနိုင်ခဲ့တာဖြစ်ပါတယ်။ 

ဆီမီးဖိုင်နယ်အဆင့်မှာတော့ ဇွန်လ ၄ ရက်နေ့မှာ ပေါ်တူဂီဟာ ဂျာမနီနဲ့ထိပ်တိုက်တွေ့ဆုံသွားမှာဖြစ်ပြီး ပြင်သစ်ကတော့ စပိန်နဲ့ ဇွန်လ ၅ ရက်နေ့မှာ ရင်ဆိုင်သွားရမှာဖြစ်ပါတယ်။ ဆီမီးဖိုင်နယ်ပွဲစဉ်တွေကို တစ်ကျော့သာယှဉ်ပြိုင်သွားရမှာဖြစ်ပြီး ပွဲစဉ်တွေအားလုံးကို ဂျာမနီမှာ ကစားသွားရမှာဖြစ်ပါတယ်။  ဆီမီးဖိုင်နယ်အဆင့်မှာ အနိုင်ရခဲ့တဲ့အသင်းတွေကတော့ ဗိုလ်လုပွဲကို ဇွန်လ ၈ ရက်နေ့မှာ ယှဉ်ပြိုင်သွားရမှာဖြစ်ပါတယ်။