အင်တာမီယာမီနှင့် အမေရိကန်လက်ရွေးစင်အသင်းရဲ့နောက်ခံလူ ဒီအန်ဒရီရက်ဒ်လင်က လီယွန်နယ်မက်ဆီက မေဂျာလိဂ်ပွဲဦးထွက်ပွဲတွင် အရန်ခုံဝင်ရောက်ကာ ဂိုးသွင်းယူခဲ့ပြီးနောက် သူ့ရဲ့အတွေးအမြင်တွေကို ပြောကြားလိုက်ပါတယ်။

ဘာစီလိုနာစူပါစတားဟောင်း မက်ဆီဟာ MLS ပွဲဦးထွက်ဖြစ်တဲ့ နယူးယော့ခ်ရက်ဘူးလ်နှင့် ပွဲတွင် အရန်ခုံ လူစားဝင်ကစားသမားအဖြစ် ဝင်ရောက်ကစားခဲ့ပြီး ဂိုးသွင်းယူနိုင်ခဲ့ပါတယ်။ မက်ဆီဟာ စွမ်းဆောင်ရည်ကောင်းများကို ဆက်လက်ပြသခဲ့ပြီး ပရိသတ်များ၊ အသင်းဖော်များနှင့် ပိုင်ရှင်တို့ရဲ့ ချီးကျူးမှုကို ရရှိခဲ့ပါတယ်။

"ဒါက ကျွန်တော့်ကို အံ့ဩစေခဲ့ပြီး ဒီလိုဖြစ်မယ်လို့ မထင်ခဲ့ပါဘူး။ မြင်တွေ့ရတာ မယုံနိုင်စရာပဲ အဲဒါတွေ့လိုက်ရတော့ အံ့သြမိပါတယ်" "သူက ပွဲထွက်စာရင်းမှာ မပါဝင်ဘူးဆိုတာ သိလိုက်တဲ့အခါ ဒေါသထွက်နေတဲ့ပရိသတ်၂ မျိုး ရှိမယ်လို့ ကျွန်တော်မျှော်လင့်ပါတယ်။ ကျွန်တော်သာ ကလေးတစ်ဦး ဒါမှမဟုတ် ပရိတ်သတ်တစ်ဦးဖြစ်ခဲ့မယ်ဆိုရင် ကြည့်ဖူးသမျှ ပွဲတွေထဲမှာ အကြီးကျယ်ဆုံး သူကို မြင်ချင်မှာပါ။ ဒါကြောင့် သူတို့ကို အပြစ်မတင်လိုပါဘူး" လို့ ရက်ဒ်လင်က ထပ်လောင်း ပြောကြားခဲ့ပါတယ်။

ပီအက်စ်ဂျီတိုက်စစ်မှူးဟောင်းဟာ အင်တာမီယာမီကို လိဂ်ဖလားရရှိအောင် ကူညီပေးနိုင်ခဲ့သလို နွေရာသီမှာ ပြောင်းရွှေ့လာပြီးနောက် သူ့ရဲ့သွင်းဂိုးတွေ ဂိုးဖန်တီးမှုတွေနဲ့အတူ US Open Cup ဖိုင်နယ်သို့ တက်လှမ်းနိုင်အောင် ကူညီပေးခဲ့ပါတယ်။ အသက် ၃၆ နှစ်အရွယ်ရှိ အာဂျင်တီးနားသားဟာ လက်ရှိအချိန်အထိ ကလပ်အတွက် ၉ ပွဲကစားပြီး ၁၁ ဂိုးသွင်းထားပါတယ်။

လိဂ်ဖလားချန်ပီယံတွေဟာ လာမယ့်သြဂုတ်လ ၃၀ ရက်နေ့တွင် နက်ရှ်ဗီလီနှင့် ယှဉ်ပြိုင်ရမှာဖြစ်ပါတယ်။