အခုအပတ်အစောပိုင်းသတင်းတွေအရ ချဲလ်ဆီးအသင်းဟာ လက်စတာစတား ဟောကိုခေါ်ယူဖို့ စိတ်ဝင်စားနေတယ်လို့ သိရပါတယ်။

အက်သလက်တစ်သတင်းဌာနကတော့ လက်ရှိမှာ ချဲလ်ဆီးအသင်းဟာ ဟောကိုခေါ်ယူဖို့ ကစားသမားအလိုက်ပေးကမ်းလှမ်းဖို့ ပြင်ဆင်နေတယ်လို့ ဖော်ပြခဲ့ပါတယ်။ ရိုမာနိုကလည်း ချဲလ်ဆီးအသင်းဟာ လက်စတာအသင်းထံ ကစားသမား ၂ ဦးအလိုက်ပေးကမ်းလှမ်းဖို့ ပြင်ဆင်နေတယ်လို့ ဆိုပါတယ်။

အဆိုပါကစားသမား ၂ ဦးကတော့ ဖိုဖာနာနဲ့ ကာဆာဒီတို့ဖြစ်တယ်လို့သိရပြီး နည်းပြဟောင်း မာရက်စ်ကာက တပည့်ဟောင်းကို ပြန်လည်ခေါ်ယူချင်နေပါတယ်။ ပြီးခဲ့တဲ့ရာသီတုန်းက ဟောဟာ မာရက်စ်ကာလက်အောက်မှာ စွမ်းဆောင်ရည်ကောင်းတွေပြသနိုင်ခဲ့ပြီး ပရီးမီးယားလိဂ်ကိုတန်းတက်နိုင်ခဲ့ရာမှာ အဓိကနေရာကနေ ပါဝင်ခဲ့တာဖြစ်ပါတယ်။

အသက် ၂၅ နှစ်သားဟာ မာရက်စ်ကာလက်အောက်မှာ ၄၉ ပွဲပါဝင်ကစားခဲ့ပြီး ၁၂ ဂိုးသွင်း ၊ ၁၅ ဂိုးဖန်တီးနိုင်ခဲ့ပါတယ်။ ရိုမာနိုဘက်က လက်စတာစတားဟာ ချဲလ်ဆီးအသင်းထံပြောင်းရွှေ့ဖို့ မီးစိမ်းပြထားပြီး ရာသီကြိုခရီးစဉ်မတိုင်ခင် ပြောင်းချင်နေပါတယ်။