ဖီးလစ်ကိုအငှားနောက်တစ်ကြိမ်ခေါ်ယူဖို့ လုပ်ဆောင်လာတဲ့ ဘာစီလိုနာ
ပြီးခဲ့တဲ့နွေရာသီနောက်ဆုံးရက်တုန်းက တီကိုအသင်းထံကနေ အငှားခေါ်ယူခဲ့တဲ့ ဂျာအိုဖီးလစ်ကို ဘာစီလိုနာက အငှားနောက်တစ်ကြိမ်ခေါ်ယူဖို့ လုပ်ဆောင်နေပါတယ်။ မာကာသတင်းဌာနရဲ့အဆိုအရ နည်းပြသစ် ဖလစ်ဟာ ဖီးလစ်ကိုခေါ်ယူဖို့ ဘာစီလိုနာတာဝန်ရှိသူတွေထံ နောက်တစ်ကြိမ်တောင်းဆိုထားတယ်လို့ ဖော်ပြခဲ့ပါတယ်။
ဖလစ်က ပေါ်တူဂီသားတိုက်စစ်မှူးဟာ အသင်းလူစာရင်းအတွက် အသုံးဝင်တဲ့ကစားသမားဖြစ်တယ်လို့ ယူဆထားပေမယ့် အတွင်းပိုင်းထဲမှာ ဆုံးဖြတ်ချက်မချရသေးတာဖြစ်ပါတယ်။
ဘာစီလိုနာဟာ ဖီးလစ်ကို အပြီးသတ်ခေါ်ယူဖို့ စိတ်မဝင်စားပဲ အငှားသာ ထပ်မံခေါ်ယူလိုနေတာဖြစ်ပါတယ်။ ဒါ့အပြင် ဘာစီလိုနာဘက်က တီကိုအသင်းကို ပြီးခဲ့တဲ့ရာသီတုန်းက နှုန်းထားအတိုင်း ဖီးလစ်ကို ထပ်မံအငှားချပေးဖို့ တောင်းဆိုဖွယ်ရှိနေပါတယ်။
တီကိုဘက်ကလည်း လာမယ့်ရာသီမှာ ဖီးလစ်ကိုအသင်းမှာထားဖွယ်မရှိတာကြောင့် ဘာစီလိုနာအနေနဲ့ ထပ်မံခေါ်ယူနိုင်ဖို့ အခြေအနေကောင်းနေပါတယ်။
