ရီးရဲလ်မက်ဒရစ်အသင်းနည်းပြဟိုဆေးမော်ရင်ဟိုက အခုနွေရာသီမှာ စပိန်အသင်းခေါင်းဆောင်ရိုဒရီကို မခေါ်ယူနိုင်ခဲ့တဲ့ အခြေအနေအပေါ် ယုံကြည်မှုအပြည့် ရှိနေပါတယ်။

၂၀၂၆ ဖီဖာကမ္ဘာ့ဖလားပြိုင်ပွဲမှာ စပိန်အသင်းကို ချန်ပီယံဖြစ်အောင် ဦးဆောင်ပေးနိုင်ခဲ့ပြီးနောက် ရွှေဘောလုံးဆုရှင်ဟောင်းက မန်စီးတီးအသင်းနဲ့ စာချုပ်သက်တမ်းတိုးဖို့ ငြင်းပယ်ခဲ့ပြီး စပိန်မြေဆီ ပြန်လည်ပြောင်းရွှေ့ချင်တဲ့ဆန္ဒကို အတည်ပြုခဲ့ပါတယ်။

ရီးရဲလ်မက်ဒရစ်အသင်းက ဒီအပြောင်းအရွှေ့အတွက် ပထမဆုံးဆက်သွယ်ခဲ့တဲ့ ကလပ်အသင်းဖြစ်ပြီး မော်ရင်ဟိုကိုယ်တိုင်လည်း အသက် ၃၀ နှစ်အရွယ်ကစားသမားကို သူ့ရဲ့ ဇာတိမြေဆီ ပြန်လာဖို့အတွက် စကားပြောပေးခဲ့ပါတယ်။

ဒါပေမဲ့ သြဂုတ်လအစောပိုင်းမှာတော့ ရိုဒရီက ဘာစီလိုနာအသင်းမှာ ကစားရဖို့ဆိုတာ သူ့ရဲ့ "အိပ်မက်" ဖြစ်တယ်လို့ ဝန်ခံခဲ့ပြီး ယူရိုသန်း ၆၀ တန် ကမ်းလှမ်းမှုကို မန်စီးတီးအသင်း လက်ခံလိုက်ပြီးနောက် အပြောင်းအရွှေ့ဇာတ်လမ်းပုံစံ ပြောင်းလဲသွားခဲ့ပါတယ်။

မော်ရင်ဟိုကတော့ ရိုဒရီကိုခေါ်ယူဖို့ ကြိုးပမ်းမှုတွေမှာ သူ့အတွက် သံသယစိတ်တွေ ဖြစ်ပေါ်စေခဲ့တယ်လို့ ဝန်ခံခဲ့ပြီး ရီးရဲလ်မက်ဒရစ်အသင်းမှာလည်း ဒီနေရာအတွက် အစားထိုးနိုင်မယ့် ကစားသမားတွေ ရှိနေတယ်လို့ အခိုင်အမာ ပြောကြားခဲ့ပါတယ်။

"ဒီနေရာမှာကစားနိုင်မယ့် ကစားသမားတွေ ကျွန်တော်တို့ဆီမှာ မရှားပါဘူး။ ရိုဒရီကို ခေါ်ယူနိုင်ခဲ့တယ်ရင်တော့ အသင်းအတွက် ပိုပြီး ကောင်းမွန်တာပေါ့။ သူက အတွေ့အကြုံများစွာရှိတဲ့ ထိပ်တန်းကစားသမားတစ်ဦး ဖြစ်ပေမဲ့ ကျွန်တော်တို့ဆီမှာ ဒီနေရာအတွက် ကစားနိုင်တဲ့ ချူအာမေနီ၊ ဗယ်လ်ဗာဒီ၊ ဘာနာဒိုဆေးလ်ဗား သို့မဟုတ် အာဒါဂူလာတို့ ရှိနေလို့ ကျွန်တော်တို့အတွက် ဘာပြဿနာမှမရှိဘူးဆိုတာ ခင်ဗျားတို့ မြင်တွေ့နိုင်ပါတယ်" လို့ မော်ရင်ဟိုက ဆိုပါတယ်။