လီဗာပူးပစ်မှတ်ဖြစ်တဲ့ မက္ကဆီကိုကြယ်ပွင့်မိုရာနဲ့ပတ်သက်လို့ မက်အယ်လစ္စတာထုတ်ဖော်ပြောကြား
မက္ကဆီကိုဆယ်ကျော်သက်ကြယ်ပွင့်မိုရာကို လီဗာပူးအသင်း စိတ်ဝင်စားနေတယ်ဆိုတဲ့ သတင်းတွေနဲ့ပတ်သက်လို့ အလက်ဆစ် မက်အယ်လစ္စတာက သူ့ရဲ့အမြင်ကို ပြောပြလာပါတယ်။
အသက် ၁၇ နှစ်အရွယ်ကစားသမားက ၂၀၂၆ ကမ္ဘာ့ဖလားပြိုင်ပွဲမှာ ခြေစွမ်းပြသနိုင်ခဲ့ပြီး လက်ရှိကမ္ဘာ့ဘောလုံးလောကရဲ့ စိတ်လှုပ်ရှားစရာအကောင်းဆုံး လူငယ်မျိုးဆက်ပါရမီရှင်တွေအနက် တစ်ဦးအဖြစ် သတ်မှတ်ခံထားရပါတယ်။
မက္ကဆီကိုရုပ်သံလိုင်းတစ်ခုဖြစ်တဲ့ Claro Sports နဲ့ အင်တာဗျူးမှာ မက်အယ်လစ္စတာက လီဗာပူးဆီ မိုရာပြောင်းရွှေ့နိုင်မယ့် အလားအလာနဲ့ပတ်သက်လို့ မေးမြန်းလာမှုအပေါ် တုံ့ပြန်ဖြေကြားခဲ့ပါတယ်။
"ပြောရရင် ဒီသတင်းနဲ့ပတ်သက်လို့ ကျွန်တော် ဘာမှမကြားမိသေးပါဘူး။ ဒီလိုကိစ္စမျိုးတွေမှာ ကစားသမားရော၊ သူနဲ့သက်ဆိုင်တဲ့ ကလပ်အသင်းကိုပါ လေးစားတဲ့အနေနဲ့ စကားပြောရင် အမြဲတမ်းသတိထားရပါတယ်။ ဒါပေမဲ့ သူက လီဗာပူးနဲ့ နာမည်ထွက်နေတယ်ဆိုရင်တော့ တကယ်ကိုထက်မြက်တဲ့ကစားသမား ဖြစ်ပါလိမ့်မယ်။ အကြောင်းမဲ့သက်သက် နာမည်ထွက်လာစရာ မရှိဘူးလေ" လို့ မက်အယ်လစ္စတာက ဆိုပါတယ်။
မိုရာရဲ့လျင်လျင်မြန်မြန်တိုးတက်လာမှုကြောင့် ဥရောပထိပ်တန်းကလပ်အသင်းအတော်များများရဲ့အာရုံစိုက်မှုကို ရရှိနေပြီး လီဗာပူးကလည်း သူ့ရဲ့ခြေစွမ်းကို စောင့်ကြည့်နေတဲ့ အသင်းတွေထဲမှာ ပါဝင်ပါတယ်။
