အန်တိုနီယိုရူဒီဂါက ကလပ်အသင်းရဲ့စာချုပ်သက်တမ်းတိုးရန် ကမ်းလှမ်းမှုကို လက်ခံလိုက်ပြီးနောက် သူ့ရဲ့ရီးရဲလ်မက်ဒရစ်ကစားသမားဘ၀ကို ဆက်လက်လျှောက်လှမ်းတော့မယ်လို့ စပိန်မှလာတဲ့သတင်းတွေအရ သိရပါတယ်။

အစောပိုင်းမှာ ဂျာမနီနောက်ခံလူက စာချုပ်သက်တမ်းကို နှစ်နှစ်အထိ တိုးမြှင့်လိုခဲ့ပေမဲ့ ဝါရင့်ကစားသမားတွေကို တစ်နှစ်ချင်းစီသာ စာချုပ်သက်တမ်းတိုးပေးလေ့ရှိတဲ့ အသင်းရဲ့မူဝါဒကို နောက်ဆုံးမှာ သဘောတူလက်ခံလိုက်ပါတယ်။

အခုဆုံးဖြတ်ချက်ကြောင့် ရူဒီဂါ ဘာနေဗျူးကွင်းမှာ အနည်းဆုံးနောက်ထပ်တစ်ရာသီ ဆက်ရှိနေပြီး သူ့ရဲ့ ကစားသမားဘဝကို ၂၀၂၆-၂၇ ဘောလုံးရာသီအထိ တိုးမြှင့်နိုင်ခဲ့ပါတယ်။

၂၀၂၂ ခုနှစ်၊ ချဲလ်ဆီးမှ ပြောင်းရွှေ့လာခဲ့ပြီးနောက် အသက် ၃၁ နှစ်အရွယ်ခံစစ်မှူးက ရီးရဲလ်မက်ဒရစ်အသင်းရဲ့ခံစစ်ပိုင်းမှာ အရေးအပါဆုံးကစားသမားတစ်ဦး ဖြစ်လာခဲ့ပါတယ်။

သူက ဆော်ဒီအာရေဗျမှ အကျိုးအမြတ်များပြားလှတဲ့ ကမ်းလှမ်းမှုတွေ အပါအဝင် ပြည်ပကလပ်အသင်းတွေရဲ့စိတ်ဝင်စားမှုကို ရရှိခဲ့ပေမဲ့ စပိန်ထိပ်တန်းကလပ်နှင့်အတူ အောင်မြင်မှုများစွာ ထပ်မံရယူနိုင်သေးတယ်လို့ ယုံကြည်ထားတာကြောင့် ရီးရဲလ်မက်ဒရစ်မှာဆက်နေဖို့ ရွေးချယ်ခဲ့ခြင်း ဖြစ်ပါတယ်။

ဒီသဘောတူညီမှုကြောင့် ရူဒီဂါရဲ့အနာဂတ်နဲ့ပတ်သက်တဲ့ကောလာဟလတွေကို အဆုံးသတ်သွားစေပြီး ဥရောပချန်ပီယံ ၁၅ ကြိမ်ဆုရှင်အပေါ်ထားရှိတဲ့ ကစားသမားရဲ့သစ္စာရှိမှုကို အတည်ပြုနိုင်ခဲ့ပါတယ်။