လီဗာပူးလ်ကနေထွက်ခွာမယ့် ဆာလက်ကို ရိုးမား ခေါ်ယူဖို့ကြိုးစား
လီဗာပူးလ်အသင်းကနေ ထွက်ခွာတော့မယ့် သတင်းထွက်ပေါ်လာပြီးနောက် ရိုးမားအသင်းက ဆာလက်ကို ပြန်လည်ခေါ်ယူဖို့ စတင်ကြိုးပမ်းနေပါတယ်။
အေအက်စ်ရိုးမားအသင်းဟာ လီဗာပူးလ်တိုက်စစ်မှူး မိုဟာမက်ဆာလက်ကို ဒီနွေရာသီမှာ ပြန်လည်ခေါ်ယူနိုင်မယ့် အခြေအနေတွေကို လေ့လာစုံစမ်းနေတာ ဖြစ်ပါတယ်။
လီဗာပူးလ်အသင်းမှာ ၉ နှစ်ကြာ ကစားခဲ့ပြီးနောက် ဒီရာသီကုန်မှာ ဆာလက်တစ်ယောက် အသင်းကနေ ထွက်ခွာတော့မယ်ဆိုတဲ့အကြောင်းကို ဒီအပတ်ထဲမှာ ကြေညာခဲ့ပါတယ်။
Gazzetta dello Sport သတင်းစာရဲ့ ဖော်ပြချက်အရ ဆာလက်အနေနဲ့ စီးရီးအေကို ပြန်လည်ရောက်ရှိလာနိုင်တယ်လို့ သိရပါတယ်။
ရိုးမားအသင်းက ဒီနွေရာသီမှာ အီဂျစ်တိုက်စစ်မှူးကို ခေါ်ယူဖို့ စီစဉ်နေတာဖြစ်ပေမဲ့ အပြောင်းအရွှေ့ အမှန်တကယ် ဖြစ်လာမလားဆိုတာကတော့ စောင့်ကြည့်ရဦးမှာပါ။
ဆာလက်အနေနဲ့ လက်ရှိရရှိနေတဲ့ လစာ ယူရို ၁၂ သန်းကနေ ယူရို ၄ သန်းအထိ အများအပြား လျှော့ချမှုကို လက်ခံရမှာ ဖြစ်ပါတယ်။
တကယ်လို့ အပြောင်းအရွှေ့သာ ဖြစ်မြောက်ခဲ့ရင်လည်း ကာလတိုစာချုပ်ကိုပဲ အဓိကထား ချုပ်ဆိုသွားဖို့ ရှိပါတယ်။ ဆာလက်ဟာ ၂၀၁၅ ခုနှစ်ကနေ ၂၀၁၇ ခုနှစ်အထိ ရိုးမားအသင်းမှာ ကစားခဲ့ဖူးပြီး ပြိုင်ပွဲအရပ်ရပ် ၈၃ ပွဲမှာ ၃၄ ဂိုး သွင်းယူကာ ဂိုးဖန်တီးမှု ၂၁ ကြိမ် ပြုလုပ်ပေးထားခဲ့သူလည်း ဖြစ်ပါတယ်။
