ယာဂန်ကလော့ပ်နဲ့ပတ်သက်လို့ ရီးရဲလ်မက်ဒရစ်ဆီ သတိပေးလိုက်တဲ့ လိုက်ပ်ဇစ်ဒါရိုက်တာ
ယာဂန်ကလော့ပ် ရာထူးမှနုတ်ထွက်ကာ နည်းပြလောကဆီ ပြန်ဝင်ရောက်မယ့်အလားအလာနဲ့ပတ်သက်လို့ Red Bull စီမံခန့်ခွဲရေးအဖွဲ့ဆီမှာ စိုးရိမ်ပူပန်မှု လုံးဝမရှိပါဘူး။
လက်ရှိ Red Bull အုပ်စုရဲ့ကမ္ဘာလုံးဆိုင်ရာဘောလုံးဒါရိုက်တာ ယာဂန်ကလော့ပ်ကို ပြီးခဲ့တဲ့ရက်သတ္တပတ်တွေအတွင်း ရီးရဲလ်မက်ဒရစ်၊ လီဗာပူးတို့နဲ့ ချိတ်ဆက်ကာ ဖော်ပြခဲ့ကြပါတယ်။
ဒါပေမဲ့ Bild နဲ့အင်တာဗျူးအစီအစဉ်တစ်ခုမှာတော့ လိုက်ပ်ဇစ်စီအီးအို အိုလီဗာမင့်ဇ်လက်ဖ်က လီဗာပူးနည်းပြဟောင်းနဲ့ပတ်သက်လို့ စာချုပ်ဖျက်သိမ်းကြေးတစုံတရာမရှိထားဘူးလို့ ပြောဆိုရင်း ရီးရဲလ်မက်ဒရစ်ဆီ သတိပေးလိုက်ပါတယ်။
မင့်လက်ဖ်က “ ကလော့ပ်ဟာ အသင်းကို နောက်တစ်ဆင့်တက်လှမ်းနိုင်အောင် ခွင့်ပြုပေးခဲ့ပြီး ကွင်းတွင်းမှာလည်း သူ့ရဲ့ပံ့ပိုးကူညီမှုနဲ့အတူ ထူးခြားတဲ့ဟန်ချက်ညီမှုတစ်ခုကို ရှာဖွေတွေ့ရှိခဲ့ပါတယ်။
ကလော့ပ်က အလွတ်ပြောင်းရွှေ့ကြေးနဲ့အတူ ကျွန်တော်တို့ဆီ ပူးပေါင်းခြင်းဖြင့် သူ့ရဲ့အခွင့်အရေးကို အကောင်းဆုံးအသုံးချခဲ့ပါတယ်။ ကျွန်တော်တို့နဲ့အတူ သူ့ဆီမှာ မိသားစုတစ်ခုလိုမျိုး ခံစားချက်ရှိနေပြီး အရာအားလုံးကိုလည်း သင်ယူခဲ့ပြီးပါပြီ။ သူ့ရဲ့စာချုပ်မှာ စာချုပ်ဖျက်သိမ်းကြေးဆိုတာ မပါဝင်ပါဘူး။ ကျွန်တော်တို့အပေါ်ထားရှိတဲ့ သူ့ရဲ့ကတိကဝတ်ကိုလည်း အငြင်းပွားနေစရာအကြောင်း မရှိပါဘူး”လို့ ပြောပါတယ်။
လိုက်ပ်ဇစ်လိုပဲ ယာဂန်ကလော့ပ်က ပြီးခဲ့သည့်နှစ်၊ Red Bull ရဲ့ရင်းနှီးမြှုပ်နှံမှုနဲ့အတူ လီဂူးဝမ်းဆီ တန်းတက်လာတဲ့ ပဲရစ် FC နဲ့လည်း အနီးကပ်ပူးပေါင်းလုပ်ဆောင်နေပါတယ်။
