အိမ်ကွင်းနိုင်ပွဲနဲ့အတူ အမှတ်ပေးဇယားထိပ်ဆုံးနေရာအတွက် အကောင်းဆုံးဖိအားပေးနေတဲ့ ချဲလ်ဆီး
ချဲလ်ဆီး ၂-၁ ဘရန့်ဖို့ဒ် (ပွဲပြီးရလဒ်)
အခုပွဲစဉ်တလျှောက်လုံး အိမ်ရှင်ချဲလ်ဆီးက ကောင်းမွန်တဲ့ကစားဟန်နဲ့အတူ ပြိုင်ဘက်ကို လွှမ်းမိုးကစားသွားခဲ့ကာ ကူကူရယ်လာ၊ ဂျက်ဆန်တို့ရဲ့သွင်းဂိုးတွေနဲ့ နိုင်ပွဲရယူခဲ့ပါတယ်။ ပွဲချိန်နှောင်းပိုင်းမှာတော့ အမ်ဘွေမိုက ဧည့်သည်ဘရန့်ဖို့ဒ်အတွက် ချေပဂိုးသွင်းယူပေးခဲ့ပေမယ့် အဝေးကွင်းသရေတစ်မှတ် ရရှိအောင်တော့ မစွမ်းဆောင်နိုင်ခဲ့ပါဘူး။ အခုစတမ်းဖို့ဒ်ဘရစ်ချ်နိုင်ပွဲနဲ့အတူ ချဲလ်ဆီးက အမှတ်ပေးဇယားထိပ်ဆုံးနေရာရှိ လီဗာပူးကို တစ်ပွဲပိုကစား၊ နှစ်မှတ်အကွာမှ လိုက်လံဖိအားပေးနေပါတယ်။ ပွဲစဉ်အပြီး ကူကူကူရယ်လာ ဒုတိယမြောက်အဝါကတ်ပြသခံရလို့ နှစ်ဝါတစ်နီထိပြီး လာမယ့်အဲဗာတန်နဲ့ပွဲစဉ်ကို လွဲချော်သွားရပါတော့မယ်။
