မတည်ငြိမ်တဲ့ခြေစွမ်းနဲ့အတူ ဖူလ်ဟမ်ထံမှ သရေတစ်မှတ်သာ ခွဲဝေယူနိုင်ခဲ့တဲ့ အာဆင်နယ်
ဖူလ်ဟမ် ၁-၁ အာဆင်နယ်(ပွဲပြီးရလဒ်)
ဂျင်မီနက်ဇ်(၁၁')
ဆာလီဘာ(၅၂')
ဒုတိယပိုင်းအစမှာလည်း ဘောလုံးပိုင်ဆိုင်မှုအသာနဲ့ ပွဲကိုစိုးမိုးခဲ့တဲ့ အာဆင်နယ်ဟာ ၇ မိနစ်အကြာမှာပဲ ချေပဂိုးရရှိခဲ့ပြီး ထုံးစံအတိုင်း ထောင့်ကန်ဘောကနေတစ်ဆင့် သွင်းယူနိုင်ခဲ့တာဖြစ်ပါတယ်။ သို့သော်လည်း နောက်ပိုင်းမှာတော့ တိုက်စစ်က ထက်မြက်မှုမရှိဘဲ သာမန်ကစားပုံသာရှိခဲ့လို့ အခွင့်အရေးကောင်းတွေဖန်တီးနိုင်ခဲ့ခြင်းမရှိတော့ပါဘူး။ ပွဲပြီးကာနီးမှာ မာတင်နယ်လီရဲ့ပေးပို့မှုမှတစ်ဆင့် ဆာကာ ခေါင်းတိုက်ပြီး ဂိုးသွင်းယူခဲ့ပေမယ့် VAR နဲ့စစ်ဆေးရာမှာ လူကျွံနေလို့ ဂိုးအဖြစ်မှပြန်လည်ပယ်ဖျက်ခံခဲ့ရပါတယ်။ ယခုသရေပွဲကြောင့် လာမယ့် ချဲလ်ဆီးနဲ့ တော့တင်ဟမ်တို့ပွဲစဉ်မှာ ချဲလ်ဆီးသာ အနိုင်ရခဲ့မယ်ဆိုရင် အာဆင်နယ်တို့ အမှတ်ပေးဇယားဒုတိယနေရာကနေ ဖယ်ပေးသွားရမှာဖြစ်ပါတယ်။
