ဆားဘီးယားနှင့်ကစားခဲ့တဲ့အဖွင့်ပွဲစဉ်မှာ ဘယ်လင်ဂမ်ဟာ အင်္ဂလန်ရဲ့ရှေ့တန်းမှ ဦးဆောင်ကာ ပွဲအစ ၁၃ မိနစ်တွင် ဦးဆောင်ဂိုးသွင်းယူပြီး ပထမပိုင်း၌ အသာစီးရယူနိုင်ခဲ့ပါတယ်။

အသက် ၂၁ နှစ်အရွယ်ကစားသမားဟာ ရီးရဲလ်မက်ဒရစ်ရှိ ပထမဆုံးရာသီတွင် လာလီဂါနှင့် ချန်ပီယံလိဂ်ဖလားတို့ကို ရရှိခဲ့တာဖြစ်ပြီး သူ့ရဲ့ပထမဆုံး ယူရိုသွင်းဂိုးကို သွင်းယူခဲ့ပြီးနောက် ဘယ်လင်ဂမ်ဟာ ဂျာမနီရှိ ကြယ်ပွင့်တွေထဲကတစ်ဦးအဖြစ် ထွက်ပေါ်လာပြီးနောက်တွင် နောက်ထပ်ဂိုးများသွင်းယူနိုင်ရန် မျှော်လင့်ခဲ့ပါတယ်။

ဒါပေမယ့် ဘယ်လင်ဂမ်ဟာ ဒိန်းမတ်နဲ့ ဆလိုဗေးနီးယားတို့နဲ့ ကစားခဲ့တဲ့ အင်္ဂလန်ရဲ့ အုပ်စုပွဲစဉ်တွေမှာ စိတ်ပျက်ဖွယ်ကောင်းခဲ့ပြီး ယူနိုက်တက်နောက်ခံလူဟောင်း နဗီးလ်က အံ့သြထိတ်လန့်ခဲ့ပါတယ်။"ဒီအပတ်မှာ လူတိုင်းရှောင်ရမယ့် မေးခွန်းကြီးတစ်ခုကတော့ ဘယ်လင်ဂမ်"

"မျှမျှတတ ပြောရမယ်ဆိုရင် လွန်ခဲ့တဲ့ ၁၀ ရက်လောက်က သူ့ကို ချန်ထားခဲ့မယ် မထင်ပါဘူး။ ဒါပေမယ့် လောလောဆယ်တော့ မသိသေးဘူး။ ဘာတွေဖြစ်လာမလဲဆိုတာ ကျွန်တော်လည်း မသိသေးပါဘူး" လို့ Sky Bet က ပြုလုပ်တဲ့ Stick to Football ရှိုးမှာ Neville က ပြောကြားခဲ့ပါတယ်။

နဗီးလ်ရဲ့ ယူနိုက်တက်အသင်းဖော်ဟောင်း ရွိုင်ကိန်းက "လွဲချော်နေတာတစ်ခုရှိပါတယ်။ သူ့ကို ဘာကြောင့် မထားခဲ့သင့်တာလဲ""တခါတရံမှာ ကြီးမားတဲ့ ဆုံးဖြတ်ချက်တွေ ချရမှာပေါ့။ ဒါဟာ ဆောက်ဂိတ်ရဲ့ အလုပ်ပါ။ ဒီကစားသမားတွေရဲ့ လွန်ခဲ့တဲ့ နှစ်ပတ် သုံးပတ်လောက်က လုပ်ခဲ့တာတွေက မသက်ဆိုင်ပါဘူး။ ဒါဟာ ပြိုင်ပွဲတစ်ခုမှာ မတူညီတဲ့ တက်ကြွမှုတစ်ခုပါပဲ"

အုပ်စု C ရဲ့ အုပ်စုဗိုလ်အဖြစ် ရှုံးထွက်အဆင့်သို့ တက်လှမ်းသွားသော်လည်း အင်္ဂလန်ဟာ ဥရောပချန်ပီယံဖြစ်လာရန်နှင့် ဆုဖလားအတွက် ၅၈ နှစ်ကြာစောင့်ဆိုင်းခဲ့ရမှုကို အဆုံးသတ်မယ်ဆိုပါက တိုးတက်ရန် လိုအပ်မှာဖြစ်ပါတယ်။အင်္ဂလန်အတွက် နောက်တစ်ဆင့်ဖြစ်တဲ့ ၁၆သင်းအဆင့်ပွဲကတော့ ဘယ်လ်ဂျီယံကို အနိုင်ယူကာ ရိုမေးနီးယားနဲ့ ယူကရိန်းတို့ပွဲမှာ တစ်မှတ်အသာရယူထားနိုင်ခဲ့တဲ့ ဆလိုဗက်ကီးယားနဲ့ဖြစ်ပါတယ်။

တနင်္ဂနွေနေ့ပွဲစဉ်မှာ အာနိုးလ်က ညာနောက်တန်းနေရာတွင် စတင်ကစားသင့်ပြီး ဝေါ်ကာကတော့ ရုန်းကန်နေရတဲ့ ထရစ်ပီယာရဲ့နေရာတွင် အစားထိုးကစားသင့်တယ်လို့ နဗီးလ်က ယုံကြည်နေပါတယ်။အင်္ဂလန်နောက်ခံလူဟောင်းက စလိုဗေးနီးယားနှင့်ပွဲအတွက် ကွင်းလယ်တွင် မိုင်နူးကို စတင်ကစားစေချင်နေပြီး အာဆင်နယ်က ဆာကာထက် ချဲလ်ဆီးက ပါလ်မာကို ညာခြမ်းတွင် ထည့်သွင်းကစားစေချင်နေတာဖြစ်ပါတယ်။

"မိုင်နူးက အဲဒီ့မှာ ရှိရပါမယ်။ သူ စတင်နိုင်မှာပါ။ ပြီးတော့ ထရစ်ပီယာအစား အာနိုးလ်ဝင်ကစားမယ်လို့ ထင်ပါတယ်""တိုက်စစ်ရဲ့ညာဘက်မှာ ဆာကာထက် ပါလ်မာကို ခေါ်လာမယ်လို့ ထင်ပါတယ်။ ဆာကာကို သဘောကျပေမယ့် ပါလ်မာက အခုအချိန်မှာ ကစားရမယ်လို့ ထင်ပါတယ်။ ဒါကြောင့် အားနိုးလ်၊ မိုင်နူးနဲ့ ပါလ်မာတို့ကို ထည့်သွင်းစေချင်ပါတယ်"

ထိုအတောအတွင်း အင်္ဂလန်ကစားသမားဟောင်း ဝိန်းရွန်နီကလည်း ဘယ်လင်ဂမ်အပေါ် သူ့ရဲ့စိုးရိမ်မှုကို ထုတ်ဖော်ပြောကြားပြီး ယူရိုပြိုင်ပွဲအတွင်းရှိ သူ့ရဲ့ခန္ဓာကိုယ်အမူအယာကို ဝေဖန်ခဲ့ပါတယ်။"စလိုဗေးနီးယားနဲ့ပွဲက အင်္ဂလန်ကို ကြည့်ပြီး ဘယ်လင်ဂမ်နဲ့ ကိန်းတို့ရဲ့လက်တွဲလုပ်ဆောင်ပုံကို နားလည်ဖို့ ကြိုးစားခဲ့ပါတယ်။ ကျွန်တော်မြင်ခဲ့ရတာတွေက ကျွန်တော့်ကို စိတ်ပူစေခဲ့ပါတယ်။ ဘယ်လင်ဂမ်ရဲ့ ကိုယ်ခန္ဓာအမူအယာက အများကြီးပြောပြခဲ့ပါတယ်"

"ပထမပိုင်းမှာ သုံးလေးခါလောက် သူ့စိတ်ပျက်မှုကို ဖုံးကွယ်မထားနိုင်ခဲ့ပါဘူး။ သူက ဘောလုံးကိုဖိအားပေးဖို့ ကိန်းကို ကျော်ဖြတ်ပြေးပြီး အရာရာကို ဦးဆောင်ဖို့ ကြိုးစားနေကာ စလိုဗေးနီးယားကစားသမားတွေ သူ့နားမှာရှိနေပြီး သူ့ကို ဘယ်သူကမှ ကပ်ပြီးကူညီပေးတာကို သူတွေ့လိုက်ရပါတယ်""တိုက်စစ်ကစားသမားအတွက် ဒါဟာ အဆိုးဆုံးခံစားချက်တစ်ခုပါပဲ။ သူက အခြားသူတွေကို လှည့်ကြည့်ကာ လက်နှစ်ဖက်ကို မြှောက်လိုက်ပါတယ်။ အဲ့ဒီလို အမူအယာက ပရိသတ်တွေ၊ အသင်းဖော်တွေ နည်းပြထံသို့ လှမ်းပြောလိုက်သလိုပါ"

"ကျွန်တော်က အဲ့ဒီနေရာမှာကစားဖူးတာကြောင့် သူရဲ့ အနေအထားကို ကျွန်တော် အတိအကျ သိပါတယ်။ နိုင်ငံတကာ ကစားသမားလောကမှာရော ကလပ်ကစားသမားဘဝရဲ့ အချို့သော အချက်တွေမှာ ကျွန်တော်ကိုယ်တိုင် အကြိမ်ပေါင်းများစွာ တွေ့ခဲ့ရဖူးပါတယ်""သူအနီကတ်ရတဲ့အထိ ဒါမှမဟုတ် မိုက်မဲမှုတစ်ခုခုလုပ်မိပြီး သူ့ကိုယ်သူ ဒဏ်ရာရတဲ့အထိ မကြေမနပ်မဖြစ်မိဖို့ ကျွန်တော်မျှော်လင့်ပါတယ်" လို့ ရွန်းနီက ပြောပါတယ်။