ဖူလ်ဟမ်အသင်းနဲ့ အတူ ပရီးမီးယားလိဂ်ကို တန်းတက်လာခဲ့ပြီဖြစ်တဲ့ ဟယ်ရီဝီလ်ဆင်ရဲ့ ခြေစွမ်းပြသမှုနောက်ကွယ်မှာ ရှိနေတဲ့အလှပဂေးလေးတစ်ယောက်အကြောင်းကို မိတ်ဆက်ပေးချင်ပါတယ်။ သူမကတော့ အသက် ၂၄ နှစ်အရွယ်ရှိ ရွှေရောင်ဆံပင်နဲ့ ကောင်မလေး အက်ဘီကလေးဘရွတ်ပဲ ဖြစ်ပါတယ်။

ဖူလ်ဟမ်အသင်းရဲ့ ချန်ပီယံရှစ်ချန်ပီယံဖြစ်ခဲ့ပြီး ဆုဖလားကြီးရယ်၊ ချစ်သူဟယ်ရီဝီလ်ဆင်ရယ်နဲ့အတူ အောင်ပွဲခံနေတဲ့ သူမရဲ့အင်စတာဂရမ်အကောင့်မှာ တင်ထားပါသေးတယ်။ ဒါ့အပြင် ချစ်သူရဲ့အောင်မြင်မှုအတွက်ကိုလည်း ထပ်တူထပ်မျှ ဝမ်းသာပေးနေတာကိုလည်း မြင်တွေ့ရပါတယ်။ ကပ်ရှင်ကိုလည်း “ချန်ပီယံဖြစ်ခဲ့ပြီ၊ အကောင်ဆုံးရာသီတစ်ခုပါပဲ၊ ရှင်က အောင်မြင်မှုမှန်သမျှနဲ့ ထိုက်တန်သူပါ” ဆိုပြီး ရေးသားထာပါတယ်။ အက်ဘီဟာ ဟယ်ရီရဲ့ဘဝထဲကို အခုမှရောက်လာတာ မဟုတ်ပဲ ဟယ်ရီ လီဗာပူးအသင်းရဲ့ လူငယ်ကြယ်ပွင့်ဘဝကတည်းက တွဲခဲ့ကြတာ ဖြစ်ပါတယ်။ 

ကလေးဘရွတ်နဲ့ ဝီလ်ဆင်တို့ အတူတူရိုက်ကူးထားတဲ့ ဓာတ်ပုံကို ပထမဆုံးအကြိမ် အင်စတာဂရမ်မှာ တင်ခဲ့တုန်းက ၂၀၁၄ ပဲ ရှိပါသေးတယ်။ အဲ့ဒီတုန်းက နှစ်ယောက်စလုံးရဲ့ အသက်တွေကလည်း ၁၅ နှစ်နဲ့ ၁၆ နှစ်သာ ရှိပါတယ်။ ဒါပေမယ့် အဲ့ဒီနောက်ပိုင်းမှာတော့ ဘဝတွေက အများကြီးပြောင်းလဲသွားခဲ့ပြီး ဟယ်ရီက ဘောလုံးသမားဘဝမှာ တောက်ပလာခဲ့သလို အက်ဘီကလည်း လီဗာပူးတက္ကသိုလ်ကနေ့ဘွဲ့ရရှိခဲ့ပါတယ်။

ဟယ်ရီကတော့ လီဗာပူးကစားသမားဘဝမှာ အငှားတွေမကြာခဏထွက်ခဲ့ရပေမယ့် အငှားထွက်ရတဲ့ အသင်းတိုင်းကို နောက်ကနေ တကောက်ကောက်လိုက်ပါခဲ့သူလေးလည်း ဖြစ်ပါတယ်။ ဟယ်ရီဝီလ်ဆင်ဟာ အငှားထွက်ကစားခဲ့တဲ့ ခရူဝီ၊ ဟူးလ်စီးတီး၊ ဒါဘီ၊ ဘုန်းမောက်၊ ကာဒစ်နဲ့ ဖူလ်ဟမ်တို့မှာ ခြေစွမ်းပြ ကစားနိုင်ခဲ့ပေမယ့် လီဗာပူးမှာတော့ နည်းပြဂျာဂန်ကလော့ပ်ရဲ့ ကစားကွက်ကြောင့် နေရာရရှိခဲ့ခြင်း မရှိပါဘူး။ ဒါပေမယ့် ကွင်းပြင်ပမှာတော့ ဒီစုံတွဲရဲ့နေထိုင်မှုပုံစံကလည်း အမိုက်စားပါပဲ။

အက်ဘီက Wag တစ်ယောက်လို နေထိုင်မှုပုံစံကို နှစ်သူဖြစ်ပြီး စတိုင်ကျလှပတဲ့ အဝတ်အစားတွေ၊ ဇိမ်ခံခရီးတွေကို သူမရဲ့ဆိုရှယ်မီဒီယာအကောင့်တွေမှ ဝေမျှလေ့ရှိပါတယ်။ အထူးသဖြင့်တော့ ဘောလုံးပွဲနားတွေနားတဲ့ အချိန်တွေမှာ ဟယ်ရီနဲ့အတူ ခရီးတွေ ထွက်လေ့ရှိပါတယ်။ ပြီးခဲ့တဲ့ ဆောင်းရာသီတုန်းက ဒူဘိုင်းကိုသွားခဲ့သလို ပဲရစ်၊ အစ်ဘီဇာ၊ လော့စ်အိန်ဂျလိစ်နဲ့ မိုင်ကိုနော့စ်တို့လို နာမည်ကြီး အပန်းဖြေခရီးစဉ်တွေကို သွားခဲ့ပါတယ်။

ခရီးသွားတိုင်းလည်း သူမရဲ့လှပတဲ့ ခန္ဓာကိုယ်ကို ညနေခင်းဝတ်စုံတွေ၊ ဘီကီနီတွေနဲ့ ပြသလေ့ရှိပါတယ်။ အခုဆိုရင် ဖူလ်ဟမ်အသင်းဟာ ပရီးမီးယားလိဂ်ကို တန်းတက်လာခဲ့ပြီဖြစ်လို့ အက်ဘီဟာလည်း ပရီးမီးယားလိဂ်ရဲ့ အလှဆုံး wag တွေထဲက တစ်ယောက်ဖြစ်လာတော့မှာ သေချာပါတယ်။