ရီးရဲလ်အသင်းနဲ့ အကြိုသဘောတူညီမှုရရှိခဲ့ပြီဖြစ်တဲ့ လီဗာပူးစတား
သတင်းတွေအရ လီဗာပူးအသင်းနောက်ခံလူ အာနိုးလ်တစ်ယောက် နွေရာသီမှာ ရီးရဲလ်အသင်းထံ့ပြောင်းရွှေ့ဖို့ ကနဦးသဘောတူညီမှုရရှိခဲ့ပြီဖြစ်တယ်လို့ သိရပါတယ်။ အင်္ဂလန်သားဟာ လာမယ့်နွေမှာ ငယ်ဘဝကလပ်ကိုစွန့်ခွာပြီး ရီးရဲလ်အသင်းထံ အလွတ်နဲ့ပြောင်းရွှေ့ဖို့များနေပါတယ်။
စကိုင်းစပေါ့တ်သတင်းဌာနရဲ့အဆိုအရ အာနိုးလ်ရဲ့တာဝန်ရှိသူတွေဟာ ရီးရဲလ်အသင်းနဲ့တွေ့ဆုံပြီး ၅ နှစ်စာချုပ်ချုပ်ဆိုဖို့ သဘောတူညီမှုရရှိခဲ့တယ်လို့ ဆိုပါတယ်။ နောက်ထပ်သတင်းတွေအရ အာနိုးလ်ဟာ ရီးရဲလ်အသင်းမှာ ၁ နှစ်ကို ပေါင် ၁၃ သန်းရရှိမှာဖြစ်ပြီး အဆိုပါပမာဏဟာ လက်ရှိလီဗာပူးမှာရရှိနေတဲ့လုပ်ခလစာထက်ပိုများတယ်လို့ သိရပါတယ်။
စာချုပ်ထဲမှာ စွမ်းဆောင်ရည်ဘောနပ်စ်အပြင် လက်မှတ်ထိုးကြေးဘောနပ်စ်ပါ ပါဝင်လာဖွယ်ရှိနေပါတယ်။ လီဗာပူးအသင်းဘက်က ၂၀၂၄ - ၂၅ ရာသီတစ်လျှောက်လုံး အာနိုးလ်ကို စာချုပ်သစ်ချုပ်ဆိုဖို့ ကြိုးပမ်းခဲ့ပေမယ့် ကစားသမားက စိန်ခေါ်မှုအသစ်တွေအတွက် မိခင်ကလပ်ကိုစွန့်ခွာဖို့ ဆုံးဖြတ်ခဲ့တာဖြစ်ပါတယ်။ အာနိုးလ် နဲ့ လီဗာပူးတို့ကြား စာချုပ်သက်တမ်းက နွေရာသီမှာကုန်ဆုံးမှာဖြစ်ပြီး လက်ရှိမှာတော့ အသက် ၂၆ နှစ်သားက ဒုတိယမြောက်ပရီးမီးယားလိဂ်ဖလားရယူနိုင်ဖို့ အာရုံစိုက်နေပါတယ်။ လီဗာပူးအသင်းဟာ လမယ့်ဧပြီလ ၂ ရက်နေ့မှာ အဲဗာတန်အသင်းနဲ့ဒါဘီပွဲဆင်နွှဲရမှာဖြစ်ပါတယ်။
