နာမည်ကျော်ရက်ပ်ပါအဆိုတော် Snoop Dogg က သူ့အနေနဲ့ ၂ သင်းကြားပြိုင်ဆိုင်မှုကို မသိပဲ လီဗာပူးမြို့မှာ ယူနိုက်တက်ဂျက်ကက်ကို ဝတ်ဆင်မိခဲ့ကြောင်း ဟာသလုပ်ပြောကြားခဲ့ပါတယ်။

လီဗာပူး နဲ့ ယူနိုက်တက်တို့ဟာ သမိုင်းကြောင်းတစ်လျှောက်အကြီးမားဆုံးမဟာပြိုင်ဘက်တွေဖြစ်ခဲ့သလို ပရိသတ်တွေကြားမှာလည်း တင်းမာမှုတွေရှိခဲ့တာဖြစ်ပါတယ်။

အင်တာဗျူးတစ်ခုမှာ Snoop Dogg က “ပြိုင်ဘက်တွေကြားထဲမှာ ဘောလုံးဂျာစီတွေမဝတ်သင့်ဘူးဆိုတာ ကျွန်တော်သိပါတယ်။ ကောင်းပါပြီ။ အစတုန်းက ကျွန်တော်မသိခဲ့ပါဘူး။ 

ကျွန်တော် ပထမဆုံးအကြိမ် ယူနိုက်တက်ဂျက်ကက်ကိုဝတ်ဆင်ပြီး ထွက်လာတုန်းက လီဗာပူးမှာရှိနေတာပါ။ အဲ့နောက် သူတို့က ဒီဘဲဘာလုပ်နေတာလဲ။ ဂျက်ကက်အကျီကိုချွတ်လိုက်တော့ဆိုတဲ့အကြည့်နဲ့ကြည့်နေကြတာပါ”လို့ Snoop Dogg က ပြောကြားခဲ့ပါတယ်။

ဒါ့အပြင် သူ့အနေနဲ့ ဘန်လေအကျီကို ဘလက်ဘန်းမှာ မဝတ်ဆင်ခဲ့ဘူးလို့လည်း ပြောကြားခဲ့ပါတယ်။ “ဒမ်။ ကျွန်တော် အဲ့လိုလုပ်ရတာကို မုန်းပါတယ်။ ဘောလုံးအကျီဝတ်ဆင်ရတာက gang မန်ဘာတွေထက် ပိုဆိုးပါတယ်။ 

သူ့အနေနဲ့ ဘောလုံးအခြေစိုက်အကျီတွေဝတ်ဆင်ဖို့ ရှောင်ရှာတော့မယ်”လို့ ပြောကြားခဲ့ပါတယ်။ ယူနိုက်တက်အကျီကို ဘန်လေအကျီနဲ့လဲခဲ့ပေမယ့် ယူနိုက်တက်ပရိသတ်တွေအတွက်တော့ စနောက်ဖို့ ရသွားခဲ့ပြီဖြစ်ပါတယ်။

ယူနိုက်တက်ဟာ လာမယ့်တနင်္ဂနွေနေ့မှာ ရာသီကြိုခြေစမ်းပွဲအဖြစ် Snoop Dogg ရဲ့မွေးရပ်မြေ ကယ်လီဖိုးနီးယားမှာ အာဆင်နယ်နဲ့ခြေစမ်းမှာဖြစ်ပါတယ်။