ယူနိုက်တက်ဂန္ထဝင်ဟောင်း ဖာဒီနန်က လီဗာပူးစတား ဆာလက်တစ်ယောက် ဒီရာသီဘာကြောင့်ဘော်လွန်းဒီအော်ဆုရနိုင်ချေရှိလဲဆိုတာကို ထုတ်ဖော်ပြောကြားလိုက်ပါတယ်။ ရာသီကုန်ဆုံးဖို့ ၂ လသာလိုတော့ပေမယ့် ဆာလက်ဟာ ပရီးမီးယားလိဂ် ၁ ရာသီထဲ ဂိုးအများဆုံးတိုက်ရိုက်ပါဝင်ပတ်သက်ထားနိုင်တဲ့စံချိန်ကို လိုက်မီထားနိုင်ခဲ့ပြီး ဟာလန်း နဲ့ အွန်နရီတို့ကို လိုက်မီနိုင်ခဲ့ပါတယ်။

ဒါ့အပြင် ဆာလက်ရဲ့ဒီရာသီစွမ်းဆောင်ရည်ဟာ အင်္ဂလိပ်သမိုင်းတစ်လျှောက်အကောင်းဆုံးအဖြစ်လည်း ရပ်တည်နေပါတယ်။ ဆာလက်ရဲ့စွမ်းဆောင်ရည်နဲ့အတူ လီဗာပူးအသင်းကလည်း စလော့လက်အောက်မှာ ပရီးမီးယားလိဂ်ချန်ပီယံဖြစ်ဖို့ အခြေအနေကောင်းနေပါတယ်။ ဒါပေမယ့် အခြားတစ်ဖက်မှာ အီဂျစ်သားရဲ့စာချုပ်သက်တမ်းက ဇွန်လမှကုန်ဆုံတော့မှာဖြစ်ပြီး လီဗာပူးအနေနဲ့ စာချုပ်သစ်အတွက် လုပ်ဆောင်ဖို့ အချိန်သိပ်မကျန်တော့တာဖြစ်ပါတယ်။

လက်ရှိမှာ ဆာလက်အနေနဲ့ ပြည်ပကလပ်အသင်းတစ်သင်းနဲ့ အကြိုသဘောတူညီမှုရယူနိုင်တာဖြစ်ပါတယ်။ “ကျွန်တော်ဆိုလိုတာက ၃၂ ဂိုးသွင်း ၊ ၂၂ ဂိုးဖန်တီးထားနိုင်တယ်တဲ့လား?။ အဲ့တာက ဘယ်သူ့ထက်မဆိုသာလွန်တဲ့စွမ်းဆောင်ရည်ပါ။ တစ်နှစ်အတွင်းမှာ သူတကယ်လို့ စာချုပ်သစ်ချုပ်ဆိုနိုင်ခဲ့မယ်ဆိုရင် ကျွန်တော်တို့ စကားပြောရပါမယ်။

ခင်ဗျားနေရာအကြောင်းပြောချိန်မှာ ကျွန်တော် အမြဲတွေးဖြစ်ပါတယ်။ နည်းပြက သူ့ကိုအဲ့နေရာမှာထားပြီး နောက်တန်းကိုပြန်ဆင်းကူစရာမလိုအောင်လုပ်ထားပါတယ်။ အဲ့လိုထားထားတဲ့အတွက် ခင်ဗျားအနေနဲ့ အခွင့်အရေးရလာချိန်မှာ အသုံးချလိုက်ယုံပါပဲ။ နည်းပြကလည်း အဲ့လိုလုပ်ပေးထားတယ်လိုပ ကျွန်တော်ထင်ပါတယ်။ အဲ့တာက တကယ့်အံ့ဖွယ်အနေအထားပါ။ 

တိုက်စစ်မှူးတွေအကြောင်းပြောချိန်မှာ ခင်ဗျားအနေနဲ့ ဆာလက်ကိုပိုသဘောကျမိပါလိမ့်မယ်။ ဆာလက်က တောင်ပံကနေ ဂိုးတွေသွင်းနိုင်သလို ဂိုးလည်းဖန်တီးနိုင်ပါတယ်။ကစားသမားတိုင်းက အလယ်မှာထက် ဆာလက်နေရာမှာ ပိုကစားချင်ကြပါလိမ့်မယ်။ ဒါပေမယ့် သူလုပ်ပြနေတာတွေကတော့ တကယ့်ကို အံ့ဖွယ်အနေအထားပါ။ အခုအချက်အလက်တွေက ဘယ်တိုက်စစ်မှူးထက်မဆိုသာလွန်ပါတယ်”လို့ ဖာဒီနန်က ပြောကြားခဲ့ပါတယ်။ လီဗာပူးအသင်းဟာ တနင်္ဂနွေနေ့မှာ နယူးကာဆယ်အသင်းနဲ့ ကာရာဘောင်ဖိုင်နယ်ကန်ရမှာဖြစ်ပြီး ဆာလက်ကတော့ ဆုဖလားရယူနိုင်ဖို့ မျှော်လင့်နေပါတယ်။