ဖရန့်ဖတ်ကွင်းမှာ ဒိန်းမတ်နဲ့ရမှတ်ခွဲဝေယူခဲ့တဲ့ အင်္ဂလန်
ဒိန်းမတ် ၁-၁ အင်္ဂလန် (ပွဲပြီးရလဒ်)
ပထမပိုင်းပွဲချိန်အတွင်း အင်္ဂလန်အသင်း ဦးဆောင်ဂိုးရရှိခဲ့ပေမယ့် ဒိန်းမတ်အသင်းကလည်း လိုအပ်နေတဲ့ ချေပဂိုးကို ပထမပိုင်းပွဲချိန်အတွင်းမှာပဲ ရှာဖွေနိုင်ခဲ့ပါတယ်။ အခုပွဲစဉ်အတွင်း နှစ်ဖက်အသင်းနည်းပြတွေရဲ့ နည်းဗျူဟာပိုင်းပြိုင်ဆိုင်မှုတွေအပြင် မာကျောလှတဲ့ ခံစစ်ပိုင်းစွမ်းဆောင်ရည်ကောင်းတွေကိုလည်း တွေ့မြင်ခဲ့ရပါတယ်။ နာမည်ကြီးအင်္ဂလန်ကတော့ အုပ်စုဗိုလ်အဖြစ် ရှုံးထွက်အဆင့်တက်ရောက်နိုင်ရေး အုပ်စုအပိတ်ပွဲစဉ်အထိ ကြိုးစားသွားရဖို့ ရှိနေပါတယ်။
