သတင်းတွေအရ ချဲလ်ဆီးအသင်းဟာ အာဆင်နယ်ဂိုးသမား အာရွန်ရမ်စ်ဒေးလ်ကို ပစ်မှတ်ထားလာတယ်လို့ သိရပါတယ်။

အင်္ဂလန်သားဟာ အဲဗာတန်အသင်းနဲ့ပွဲမှာ လူစာရင်းကနေ ချန်လှပ်ခံခဲ့ရပြီး ရာယာက အစားဝင်ခဲ့တာဖြစ်ပါတယ်။ အသက် ၂၈ နှစ်အရွယ် စပိန်သားဟာ အဲဗာတန်နဲ့ပွဲမှာ ပေးဂိုးမပေးရအောင် စွမ်းဆောင်နိုင်ခဲ့ပါတယ်။

ရာယာကို ခေါ်ယူလိုက်ပြီးကတည်းက ရမ်စ်ဒေးလ်ရဲ့အနာဂတ်သတင်းတွေက မတည်မငြိမ်ဖြစ်လာခဲ့ပါတယ်။ မေးလ်သတင်းဌာနရဲ့အဆိုအရ ချဲလ်ဆီးအသင်းဟာ အင်္ဂလန်သားကို ပစ်မှတ်ထားလာတယ်လို့ ဖော်ပြခဲ့ပါတယ်။

ပိုချက်တီနိုရဲ့အသင်းဟာ စီနီယာဂိုးသမားနေရာအတွက် ဘရိုက်တန်စတား ရောဘတ်ဆန်းချက်ဇ်ကို ခေါ်ယူထားခဲ့ပါတယ်။ ဒါပေမယ့် ရမ်စ်ဒေးလ်ကို ခေါ်ယူဖို့လည်း စိတ်ဝင်စားနေပြီး ဇန်နဝါရီမှာ ချိတ်ဆက်လာဖွယ်ရှိနေပါတယ်။

ဘိုင်ယန်ကလည်း ရမ်စ်ဒေးလ်အခြေအနေကို စောင့်ကြည့်နေပြီး နူအာနေရာမှာ အစားထိုးချင်နေပါတယ်။ ရမ်စ်ဒေးလ်ဟာ လွန်ခဲ့တဲ့ ၂ နှစ်တုန်းက ရှက်ဖီးလ်ယူနိုက်တက်ထံကနေ ပေါင်သန်း ၃၀ နဲ့ အာဆင်နယ်ထံပြောင်းလာခဲ့တာ ဖြစ်ပါတယ်။
အင်္ဂလန်သားဟာ အာဆင်နယ်အတွက် ၈၃ ပွဲမှာ ၃၀ ပွဲပေးဂိုးမပေးရအောင် စွမ်းဆောင်နိုင်ခဲ့ပြီး ၉၂ ဂိုးပေးထားခဲ့ရပါတယ်။

အင်္ဂလန်အတွက်တော့ ၄ ပွဲအထိ ပါဝင်ကစားထားပြီး အာတီတာက ဂိုးသမားရွေးချယ်မှုနဲ့ပတ်သက်ပြီး “ဘယ်သူမှ ပွဲထွက်ခွင့်အတွက် အာမခံချက်မရှိပါဘူး။ ကျွန်တော် အာမခံချက်မပေးနိုင်ပါဘူး။ ထိပ်တန်းအဆင့်စွမ်းဆောင်နိုင်တဲ့သူက ပွဲထွက်ခွင့်ရမှာပါ။ ဒီလိုအဆင့်အတန်းမျိုးသတ်မှတ်လိုက်ရင် ကျွန်တော်တို့အတွက် ပိုကောင်းလာနိုင်ပါတယ်။ ဂျီးဆပ်စ်ဘာလို့ ပွဲထွက်ခွင့်မရလဲဆိုတာ မေးခွန်းမျိုး ကျွန်တော့်မှာမရှိပါဘူူး။ သူ(ဂျီးဆပ်စ်)က ဆုဖလားတွေအများကြီး ရယူထားနိုင်ခဲ့တဲ့ သူပါ။ ဒါပေမယ့် ကျွန်တော်တစ်နေရာတည်းမှာ ကစားသမား ၂ ဦး ထားမကစားချင်ပါဘူး။ ဒေးဗစ်မှာလည်း အရည်အချင်းကောင်းတွေရှိနေပါတယ်။ အာရွန်နဲ့ ကားလ်မှာလည်း ရှိနေပါတယ်။ ဒါပေမယ့် ကျွန်တော်တို့ သူတို့ကိုလည်း လူစားဝင်အဖြစ် သုံးရနိုင်ပါတယ်။ ကျွန်တော်က လူငယ်နည်းပြတစ်ဦးပါ။ ကျွန်တော် ဒီမှာ ၃ နှစ်ခွဲရှိနေပါပြီ။ ဂိုးသမားဘာလို့မပြောင်းလဲဆိုတော့ တစ်ယောက်နဲ့တစ်ယောက် အရည်အချင်းတွေ မတူညီကြလို့ပါ။ ကျွန်တော်ပေးချင်တဲ့မက်ဆေ့ချ်က ပွဲထွက်ခွင့်အတွက် ပြိုင်ဆိုင်ရပါမယ်။ အဲ့တာက ကျွန်တော်ပေးချင်တဲ့မက်ဆေ့ချ်ပါ”လို့ အာတီတာက ပြောကြားခဲ့ပါတယ်။