ဘန်နီတို ဗယ်လာမာရင်မှာ ရီးရဲလ်ဘက်တစ်နှင့် သရေကျခဲ့တဲ့ပွဲမှာ ဦးဆောင်ဂိုးများရရှိခဲ့ပြီးမှ ချေပဂိုးများပေးလိုက်ရတဲ့အတွက်ကြောင့် စနေနေ့ဟာ ဘာစီလိုနာအတွက် စိတ်ပျက်စရာဖြစ်ခဲ့ပါတယ်။ အထူးသဖြင့် ဒိုင်လူကြီးရဲ့ အနီကတ်ပြ ထုတ်ပယ်ခြင်းခံခဲ့ရတဲ့ နည်းပြဟန်ဆီဖလစ်အတွက် စိတ်ပျက်စရာဖြစ်ခဲ့ပါတယ်။

အဓိက ဒိုင်လူကြီး၊ အကူဒိုင်များ သို့မဟုတ် စတုတ္ထဒိုင်အား ဆန္ဒြပခြင်းဟာ ပိုမိုပြင်းထန်တဲ့ ပြစ်မှုမဟုတ်ပါက ဒဏ်ခတ်အရေးယူခြင်းခံရမည်ဟု စပိန်ဘောလုံးအဖွဲ့ချုပ်က ပုဒ်မ ၁၂၇ တွင် ဖော်ပြထားတာကြောင့် ၂ ပွဲကနေ ၃ ပွဲအထိ ဒါမှမဟုတ် တစ်လအထိ ဆိုင်းငံ့ထားခွင့်လည်းရှိနေတာကြောင့် ဖလစ်အနေနဲ့ ၂ ပွဲပယ် ပြစ်ဒဏ်ကျခံရဖွယ်ရှိနေပါတယ်။ ဒါကြောင့် လီဂါနက်စ်၊ အက်သလက်တီကိုမက်ဒရစ်တို့နှင့် ယှဉ်ပြိုင်မယ့်ပွဲအတွက် ပွဲကြီးကြပ်ခွင့် ပိတ်ပင်ခြင်းခံရမှာဖြစ်ပါတယ်။

သို့သော်လည်း ဖလစ်ဟာ တာဝန်ရှိဒိုင်အဖွဲ့ကို ကန့်ကွက်ခဲ့ခြင်းမရှိကြောင်း ယုံကြည်တဲ့အတွက် ဘာစီလိုနာအနေဖြင့် အရေးယူမှုကို အယူခံဝင်မှာဖြစ်ကြောင်း Marca မှ ပြောကြားသော်လည်း သူ့ကိုယ်သူ မကျေနပ် ဖြစ်မိကြောင်း ပြောဆိုခဲ့ပါတယ်။

အထူးသဖြင့် အက်သလက်တီကိုနဲ့ပွဲအတွက် ဖလစ်ရဲ့ကြီးကြပ်မှုမပါဘဲကစားရပါ ဘာစီလိုနာအတွက် ထိုးနှက်ချက်ဖြစ်မှာပါ။ ဒီကိစ္စကို နောက်တစ်ပတ်မှာ ဘယ်လိုဖြေရှင်းမလဲဆိုတာ စောင့်ကြည့်ရဦးမှာပါ။