The network connection is lost.

Banner Image

ကစားသမား ၂၂ ဦးရဲ့ ထွက်ခွာမှုနှင့် ၃ ဦးအား စာချုပ်သက်တမ်းတိုးရန် ဆွေးနွေးမှုကို အတည်ပြုလိုက်တဲ့ အာဆင်နယ်

ထွက်ခွာတဲ့သူအများစုဟာ ပထမအသင်းတွင် ပါဝင်နိုင်ခြင်းမရှိသေးတဲ့ အကယ်ဒမီကစားသမားများဖြစ်ကြသော်လည်း ထွက်ခွာသူများစာရင်းတွင် ရင်းနှီးတဲ့နာမည်အချို့ရှိနေပါတယ်။

မိုဟာမက် အယ်လ်နန်နီဟာ အာစင်ဝင်းဂါး ခေါ်ယူခဲ့သူဖြစ်ပြီး ၂၀၁၆ ခုနှစ် ဇန်နဝါရီကတည်းက အာဆင်နယ်နှင့် အတူရှိနေခဲ့သော်လည်း မြောက်လန်ဒန်ရှိ သူ့ရဲ့အချိန်တွေက ကုန်ဆုံးသွားပြီဖြစ်ပါတယ်။ အီဂျစ်သားဟာ ပွဲထွက်လူစာရင်းမှာ ပုံမှန်မကစားခဲ့ရသော်လည်း ပြိုင်ပွဲစုံ ၁၆၁ ပွဲကစားထားကာ ၆ ဂိုးသွင်းယူထားပြီး ၂၀၁၇ ခုနှစ်တွင် အက်ဖ်အေဖလားကို ဆွတ်ခူးနိုင်ခဲ့ပါတယ်။

ဆီးဒရစ်ဆွာရက်စ်က အမ်းမရိတ်တွင် ၄ နှစ်ခွဲကြာပြီးနောက် ပထမဆုံးအသင်းမှ ထွက်ခွာတဲ့ နောက်ထပ် ကစားသမားတစ်ဦးဖြစ်ပါတယ်။ အသက် ၃၂ နှစ်အရွယ်ရှိပြီဖြစ်တဲ့ ကစားသမားဟာ အသင်းသို့ အပြီးသတ်စာချုပ်ဖြင့် မရောက်လာမီတုန်းက ဆောက်သမ်တန်ကနေ အငှားနဲ့လာရောက်ခဲ့ပြီး ဂန်နာတွေအတွက် ၆၄ ပွဲ ကစားခဲ့ပါတယ်။

ထွက်ခွာသွားသူတွေနဲ့ ပတ်သက်ပြီး အာဆင်နယ်ရဲ့ ထုတ်ပြန်ချက်မှာ "ကလပ်အတွက် သူတို့ရဲ့ ပံ့ပိုးကူညီမှုတွေအတွက် ထွက်ခွာသွားကြတဲ့ ကစားသမားအားလုံးကို ကျေးဇူးတင်ပါတယ်။ အားလုံးက အာဆင်နယ် မိသားစုရဲ့ တစ်စိတ်တစ်ပိုင်းဖြစ်ပြီး အနာဂတ်မှာ ကျန်းမာပျော်ရွှင်ပါစေလို့ ဆုတောင်းပါတယ်" လို့ ရေးသားထားပါတယ်။

ကလပ်အသင်းအနေဖြင့် လက်ရှိစာချုပ်သက်တမ်းမှာ ဇွန်လ ၃၀ ရက်နေ့တွင် သက်တမ်းကုန်ဆုံးမယ့် နောက်ထပ်ကစားသမား ၃ ဦးရှိကြောင်း မှတ်ချက်ပြုထားသော်လည်း ဆွေးနွေးမှုများ ဆက်လက်လုပ်ဆောင်နေပြီး သူတို့တွေရဲ့ထွက်ခွာမှုကို အတည်ပြုနိုင်ခြင်းမရှိသေးကြောင်းလည်း သိရပါတယ်။

အဆိုပါကစားသမားသုံးဦးကတော့ ဒူဘာရိ၊ ကယ်လ်ဟိန် နှင့် ဝဲလ်တာစ် တို့ဖြစ်ပါတယ်။ အံ့ဩစရာကောင်းတာက ဝဲလ်တာစ်ဟာ ထွက်ခွာဖို့အတွက် အတည်မပြုနိုင်သေးသော်လည်း ယခုလအစောပိုင်းက ဆိုရှယ်မီဒီယာတွင် "ကျွန်တော့်ရဲ့ ကစားသမားဘဝကို အထူးပြုလုပ်ပေးခဲ့တဲ့ လူတိုင်းကို ကျေးဇူးတင်ပါတယ်။ ဒီကလပ်အတွက် ကစားရတာ ပျော်ရွှင်စရာကောင်းပြီး အနာဂတ်အတွက် အကောင်းဆုံးဖြစ်ပါစေလို့ ဆုတောင်းပါတယ်"လို့ ရေးသားထားပါတယ်။

အာဆင်နယ်အသင်းမှ ထွက်ခွာခဲ့တဲ့ ကစားသမားစာရင်း

မာယူရိုဘန်ဒီယာ
အိုမာရီ ဘင်ဂျမင်
လူးဝစ်ဘရောင်း
ကက်တလင်စီဂျန်
နိုရက်ကော့ပါး
ဆာဘရီနာဒီအိန်ဂျယ်လို
ဟင်နရီဒေးဗစ်
အိုဗီအီဟာရီ
မိုဟာမက်အယ်နီနီ
တေလာဖိုရန်
ဟုဘတ်ဂရက်ဇ်
ဂျိမ်းစ်ဟေလ်ဆန်
ဟင်နရီဂျက်ကော့ဖ်
ထရွိုင်စီဂျွန်ဂျူလီစ်
အဲလက်စ်ကီရစ်
ဂျိမ်းစ်လန်နင်ဆွိ
ကေလန်မာရက်ခ်စီ
ဗီဗီယန်နီမီနီမာ
အာသာအိုကွန်ဝို
ကမာနီရိုင်
ဆီးဒရစ်ဆိုရက်စ်
ကိုင်ဒိုတေလာဟက်