လီဗာပူးအသင်းနဲ့ စာချုပ်သစ်ချုပ်ဆိုဖို့ ဆန္ဒရှိနေတဲ့ ကိုနာတေး
ဒေးဗစ်အော်စတိန်းရဲ့ဖော်ပြချက်အရ အသက် (၂၆) နှစ်အရွယ်ကိုနာတေးက လီဗာပူးအသင်းနဲ့အတူ စာချုပ်သစ်ချုပ်ဆိုဖို့ ဆန္ဒရှိနေတယ်လို့ သိရပါတယ်။ အခုဘောလုံးရာသီကုန်မှာ ပြင်သစ်လက်ရွေးစင်နောက်ခံလူရဲ့အန်ဖီးလ်ခရီးစဉ်စာချုပ်သက်တမ်း ကုန်ဆုံးဖို့ရှိနေပြီး လတ်တလောမှာ စာချုပ်သစ်အတွက် ဆွေးနွေးမှုတွေ စတင်လုပ်ဆောင်နေပါတယ်။
ပရီးမီးယားလိဂ်ချန်ပီယံတွေနဲ့ လိုက်ပ်ဇစ်နောက်ခံလူဟောင်းတို့အကြား အပြီးသတ်သဘောတူညီမှုမရရှိသေးပေမဲ့ နှစ်ဖက်လုံးမှာ သဘောတူညီမှုရဖို့ လိုလားနေကြပြီး ဆွေးနွေးမှုတွေလည်း အဆင်ပြေချောမွေ့နေတယ်လို့ သိရပါတယ်။ ဒါကြောင့် လပေါင်းများစွာမရေမရာဖြစ်နေတဲ့ အသက် ၂၆ နှစ်အရွယ် ကစားသမားရဲ့အနာဂတ်အတွက် အကောင်းမြင်စရာသတင်းတစ်ခု ဖြစ်လာပါတယ်။
ရီးရဲလ်မက်ဒရစ်အသင်းကတော့ ဒီပြင်သစ်ကစားသမားကို အလွတ်ပြောင်းရွှေ့ကြေးဖြင့်ခေါ်ယူဖို့ စိတ်ဝင်စားနေပါတယ်။ MARCA ရဲ့ဖော်ပြချက်အရ လာလီဂါဘီလူးကြီးက လီဗာပူးနောက်ခံလူကိုခေါ်ယူဖို့အတွက် စိတ်ဝင်စားမှုလျော့နည်းခဲ့ဖူးပေမဲ့ အခုအခါမှာတော့ မာဆေးဆိုဒ်ကလပ်ဆီမှ နောက်ထပ်ခံစစ်မှူးတစ်ဦးကို အလွတ်ပြောင်းရွှေ့ကြေးဖြင့် ထပ်မံခေါ်ယူဖို့အတွက် သူတို့ရဲ့စိတ်ဝင်စားမှု ပြန်လည်မြင့်တက်လာတယ်လို့ သိရပါတယ်။
