လီဗာပူးအသင်းနဲ့ ၁၁ မှတ်အထိကွာဟနေပေမယ့် အာဆင်နယ်နည်းပြ အာတီတာက ပရီးမီးယားလိဂ်ချန်ပီယံဆုနဲ့ပတ်သက်ပြီး လက်မလျှော့သေးဘူးလို့ ပြောကြားလိုက်ပါတယ်။ အာဆင်နယ်ဟာ ဝက်စ်ဟမ်းကိုအိမ်ကွင်းမှာ အရေးနိမ့်ခဲ့ပြီးနောက် ချန်ပီယံဆုအတွက်ဝေဝါးလာခဲ့ပြီဖြစ်ကာ လီဗာပူးအသင်းက မန်စီးတီးကိုအနိုင်ရခဲ့တာကြောင့် ၁၁ မှတ်အထိကွာဟခဲ့ပြီဖြစ်ပါတယ်။ ရမှတ်ကွာဟမှုများပြားပေမယ့်လည်း အာတီတာက ချန်ပီယံဆုအတွက် လက်မလျှော့သေးဘူးလို့ အခိုင်အမာပြောကြားလိုက်ပါတယ်။

“ချန်ပီယံဆုအတွက် လက်မလျှော့သေးပါဘူး။ ကျွန်တော် အိမ်မပြန်သေးသမျှ သင်္ချာနည်းအရ ဖြစ်နိုင်ချေရှိနေပါသေးတယ်။ ခင်ဗျားအဲ့နေရာရှိနေပြီး ပွဲတိုင်းနီးပါးကိုကစားရပါဦးမယ်။ လွန်ခဲ့တဲ့ ၃ ရက်တုန်းက ကျွန်တော်တို့ နီးစပ်ခဲ့ပါတယ်။ ခင်ဗျားအနေနဲ့ ပွဲတစ်ဝက်လောက်ကွာဟနေတာနဲ့ တူနေပါတယ်။ အဲ့တာက ပြဿနာမဟုတ်ပါဘူး။ ခင်ဗျားဆက်သွားရပါမယ်။

လွန်ခဲ့တဲ့ ၃ ရက်တုန်းကထက် ခက်ခဲမှုက မြင့်လာပါတယ်။ ပရီးမီးယားလိဂ်ချန်ပီယံဖြစ်ချင်တယ်ဆိုရင် ခင်ဗျားအနေနဲ့ တစ်ခုခုထူးခြားတာ လုပ်ဆောင်ဖို့ လိုအပ်ပါတယ်။ ပရီးမီးယားလိဂ်ချန်ပီယံဖြစ်ဖို့အတွက် ခင်ဗျားအနေနဲ့ သမိုင်းမှာဘယ်သူမှမလုပ်ပြတာမျိုး လုပ်ပြနိုင်ဖို့ လိုအပ်ပါတယ်။ အခုအပတ်ကတော့ အရမ်းကို စိတ်ပျက်စရာပါ။ လွန်ခဲ့တဲ့ ၁၅ ပွဲမှာ ကျွန်တော်တို့ ၁၀ ပွဲနိုင်ပြီး ၅ ပွဲသရေကန်ထားနိုင်ခဲ့ပါတယ်။

လီဗာပူးနဲ့အတူတူပါပဲ။ ဂိုးပဲကွာခြားတာပါ။ ဒါကြောင့် ကျွန်တော်တို့ လွန်ခဲ့တဲ့ ၃ လအတွင်းအရာအားလုံးတည်တည်ငြိမ်ငြိမ်လုပ်ခဲ့တာပါ။  ကျွန်တော်တို့ အခုအရှိန်အဟုန်ကို ဆက်ထိန်းနိုင်ခဲ့ပါတယ်။ ကျွန်တော်တို့ အခုအပတ်ကို အနိုင်ကန်ဖို့ ပြင်ဆင်ခဲ့ပေမယ့် အရေးနိမ့်ခဲ့ပါတယ်။ ထိပ်ဆုံးက လီဗာပူးကတော့ အနိုင်ရရှိခဲ့ပါတယ်။

ခင်ဗျားအရှိန်အဟုန်ကို ရိုက်ချိုးခံလိုက်ရချိန်မှာ ကျွန်တော်တို့ကို ဆိုးဝါးတဲ့အခြေအနေကို တွန်းပို့လိုက်သလိုဖြစ်စေပါတယ်။ အဲ့တာက လက်ခံဖို့ခက်ခဲပါတယ်။ အရှိတရားကတော့ ကျွန်တော်တို့ ပွဲတွေအများကြီးကန်ရပါဦးမယ်။ လမ်းကြောင်းမှန်ပေါ် ပြန်ရောက်လာဦးမှာပါ”လို့ အာတီတာက ပြောကြားခဲ့ပါတယ်။ အာဆင်နယ်ဟာ လာမယ့်ဗုဒ္ဓဟူးနေ့မှာ နော်တင်ဟမ်ဖောရက်စ်အသင်းနဲ့ရင်ဆိုင်ရမှာဖြစ်ပါတယ်။