အင်္ဂလန်နည်းပြ ဆောက်ဂိတ်ဟာ လွန်ခဲ့တဲ့ ရက်သသ္တပတ် ၃ ပတ်က ယာယီ ၃၃ ဦးလူစာရင်းတွင် မက်ဒီဆင်ကို ထည့်သွင်းခဲ့သော်လည်း အပြီးသတ် ၂၆ ဦး လူစာရင်းမှာတော့ တော့တင်ဟမ်ကွင်းလယ်ကစားသမားကို ထည့်သွင်းမှာ မဟုတ်ကြောင်း အတည်ပြုလိုက်ပါတယ်။ တနင်္လာနေ့က ဘော့စနီးယားနှင့် ဟာဇီဂိုဗီးနားကို ၃-၀ ဂိုးဖြင့် အနိုင်ရရှိခဲ့တဲ့ ဒုတိယပိုင်းတွင် လူစားလဲဝင်ရောက်လာချိန်တွင် သူ့ရဲ့အင်္ဂလန်အတွက် ၇ မြောက် သွင်းဂိုး ရရှိခဲ့တဲ့ မက်ဆီဒီဟာ တော့တင်ဟမ်မှာ အကောင်းဆုံးရာသီတစ်ခုတော့ မဟုတ်ခဲ့ပါဘူး။

အသက် ၂၇ နှစ်အရွယ် ကစားသမား ပြီးခဲ့တဲ့ရာသီကို အကောင်းဆုံးပုံစံဖြင့် စတင်ခဲ့ပြီး ပိုစတီကိုဂလူရဲ့ အသင်းအား ပရီးမီးယားလိဂ်အမှတ်ပေးဇယားရဲ့ ထိပ်ပိုင်းသို့ တက်နိုင်အောင် ကူညီပေးခဲ့ပါတယ်။ ဒါပေမယ့် မက်ဒီဆင်ရဲ့ ခြေစွမ်းက ဆိုးရွားလာခဲ့ပြီး သူ့ရဲ့နောက်ဆုံး ၂၂ ပွဲမှာ ၁ ဂိုးသာ သွင်းပေးနိုင်ခဲ့ကာ ၃ လကြာ အနားယူခဲ့ရတဲ့ ခြေချင်းဝတ်ဒဏ်ရာက သူ့အတွက် အကူညီမဖြစ်စေခဲ့တာပါ။

အင်္ဂလန်ရဲ့ ယူရို ၂၀၂၄ နောက်ဆုံးလူစာရင်းကို အိုက်စလန်နှင့် ကစားပြီးနောက် နံနက်ပိုင်းတွင် အတည်ပြုရန် ဆောက်ဂိတ်က စီစဉ်ထားပါတယ်။ မက်ဒီဆင်အား ပြိုင်ပွဲအတွက် ဂျာမနီသို့ ခေါ်ဆောင်သွားမှာမဟုတ်သော်လည်း လီဗာပူးမှ ကာတစ်ဂျုံးစ် နှင့် ကွန်ဆက် အပါအဝင် နောက်ထပ် ကစားသမား ၆ ဦးကိုလည်း ယာယီလူစာရင်းမှ ထုတ်ပယ်မှာဖြစ်ပါတယ်။
"ဝမ်းနည်းမိပါတယ် အဲဒါကို လုံးဝ မဖြုတ်ပါဘူး" လို့ မက်ဒီဆင်က အင်စတာဂရမ် နှင့် X တွင် ရေးသားထားပါတယ်။ "တစ်ပတ်လုံး ကောင်းကောင်းလေ့ကျင့်ပြီး ကြိုးကြိုးစားစား လုပ်ခဲ့ပေမယ့် ကိုယ့်ကိုယ်ကိုယ် ရိုးရိုးသားသား ပြောရရင် ရာသီ ဒုတိယဝက်မှာ ဒဏ်ရာကနေ ပြန်ကောင်းလာတဲ့အခါ အသင်းအတွက် ကျွန်တော့်ရဲ့ ပုံစံက ဆောက်ဂိတ်အတွက် ဆုံးဖြတ်ပေးခဲ့တဲ့ အဆင့်နဲ့ မရောက်နိုင်ပါဘူး" "မတူညီတဲ့ အရာတွေကို ယူဆောင်လာမယ်လို့ ခံစားမိတာကြောင့် ၂၆ ယောက်မှာ ကျွန်တော့်အတွက် နေရာလွတ်ရှိမယ်လို့ တွေးနေတုန်းပါ။ ဂျာမနီမှာ ကစားမယ့် ယူရို ၂၀၂၄ အတွက် ခြေစစ်ပွဲအောင်တဲ့ ကမ်ပိန်းမှာ အဓိက ကစားသမားအဖြစ် ပါဝင်ခဲ့ပေမယ့် နည်းပြက ဆုံးဖြတ်ချက်ကို ချမှတ်ခဲ့ပြီးဖြစ်တာကြောင့် လေးစားရမှာ ဖြစ်ပါတယ်" "ကျွန်တော်ပြန်လာမှာပါ။ အဲ့ဒီအတွက်လည်း သံသယမရှိပါဘူး။ ဂျာမနီမှာရှိတဲ့ အသင်းဖော်တွေ အားလုံး ကံကောင်းပါစေလို့ ဆုတောင်းပေးရင်း ဆုဖလားနဲ့အတူ အိမ်ပြန်လာဖို့ တကယ်မျှော်လင့်ပါတယ်" လို့ မက်ဒီဆင်က ပြောကြားထားပါတယ်။

နုတ်ထွက်ရဖို့ အလားအလာရှိတဲ့ အခြားကစားသမားတွေကတော့ ဘန်လေ ဂိုးသမား ထရက်ဖို့ဒ်နဲ့ ဘရန့်ဖို့ဒ် တိုက်စစ်မှူး တိုနေးတို့ ဖြစ်ပါတယ်။ အင်္ဂလန်ဟာ ၁၉၆၆ ခုနှစ်ကတည်းက ဆုဖလားကို မရယူနိုင်ခဲ့သော်လည်း ယူရို ၂၀၂၄ တွင် အနိုင်ရရန် ရေပန်းအစားဆုံး အသင်းတွေထဲမှ တစ်သင်းဖြစ်ပါတယ်။

ဆောက်ဂိတ်လက်အောက်တွင် ခြင်္သေ့သုံးကောင်ဟာ ၂၀၁၈ ကမ္ဘာ့ဖလားပြိုင်ပွဲရဲ့ ဆီမီးဖိုင်နယ်၊ ၂၀၂၂ ကမ္ဘာ့ဖလားကွာတားဖိုင်နယ်နှင့် ယူရို ၂၀၂၀ ဖိုင်နယ်အထိ တက်ရောက်နိုင်ခဲ့တာဖြစ်ပါတယ်။ အင်္ဂလန်ဟာ ယူရိုပြိုင်ပွဲအတွက် ဂျာမနီသို့ မသွားရောက်မီ အိုက်စလန်နှင့်နောက်ဆုံးပွဲအဖြစ် ကစားမှာဖြစ်ပြီး အုပ်စုအဖွင့်ပွဲစဉ်ဖြစ်တဲ့ ဇူလိုင် ၁၆ ရက် မတိုင်မီ ဆားဘီးယားနှင့်ကစားရန် ပြင်ဆင်နေပါတယ်။

ဆောက်ဂိတ်ဟာ ဘော့စနီးယားကို အနိုင်ရတဲ့အတွက် ကျေနပ်ခဲ့ပြီး အထူးသဖြင့် ဒဏ်ရာပြဿနာများမရှိဘဲ စိန့်ဂျိမ်းစ်ပါ့ခ်မှထွက်ခွာရန် စိတ်သက်သာရာရခဲ့ပြီး ယူနိုက်တက်အသင်းသားတွေဖြစ်တဲ့ မက်ဂွါရီနှင့် လုခ်ရှောတို့ကလည်း ယူရိုပြိုင်ပွဲမှာပါဝင်ဖို့ မသေချာနေပါဘူး။

"ကျွန်တော်တို့ဟာ ပြီးခဲ့တဲ့ရက်ပိုင်းတွေမှာ ပြဿနာကြီးကြီးမားမားမရှိဘဲ ဖြတ်သန်းခဲ့ရတာက ကောင်းပါတယ်။ ဒါဟာ တကယ်ကို အရေးကြီးပါတယ် ဒီပွဲအနည်းငယ်ကို ကျော်ဖြတ်ဖို့ လိုပါတယ်" "ဒီညနောက်ပိုင်းမှာ နောက်ထပ် ရွေးချယ်မှုတချို့အတွက် ခေါင်းစားနိုင်ပေမယ့် ဒါက ကောင်းပါတယ်။ ဆိုးရွားတဲ့ ခြေစွမ်းတွေထက် အားလုံးကို အထင်ကြီးစေမယ့် စွမ်းဆောင်ရည်ကောင်းတွေကို ကျွန်တော်တို့ ပိုလိုချင်တယ်"လို့ ဆောက်ဂိတ်က ပြောပါတယ်။

မက်ဂွါရီဟာ အိုးထရက်ဖို့ဒ်အသင်းဖော် လုခ်ရှောထက် ပြန်လာဖို့ ပိုနီးစပ်တယ်လို့ ထင်ရပေမယ့် ဘယ်နောက်ခံလူက သူ့ရဲ့ ပြန်လည်ကောင်းမွန်လာရေးနဲ့အတူ တိုးတက်မှုတွေ ရှိနေပါတယ်။ ယူရို ၂၀၂၄ အဖွင့်ပွဲစဉ်တွင် ဆားဘီးယားနှင့် ကစားပြီးနောက် အင်္ဂလန်ဟာ အုပ်စု C ကနေ ရှုံးထွက်အဆင့်သို့ တက်လှမ်းရန် ကြိုးစားရမှာဖြစ်ပြီး ဒိန်းမတ်၊ စလိုဗေးနီးယားတို့နှင့် ဆက်လက်ရင်ဆိုင်ရမှာ ဖြစ်ပါတယ်။