အဲဗာတန်နှင့်ပွဲမှာ ရက်ရှ်ဖို့ဒ်က ဘာကြောင့် ဒုတိယပင်နယ်တီကို ကန်ခဲ့တာလဲဆိုတာရှင်းပြလိုက်တဲ့ ဖာနန်ဒက်စ်
11:11 AM, 10 March
တန်ဟက်ရဲ့အသင်းဟာ ပထမပိုင်းမှာ ဂါနာချိုကြောင့် ရရှိခဲ့တဲ့ ပင်နယ်တီ ၂ လုံးဖြင့် အဲဗာတန်နှင့်ပွဲမှာ အသားစီးရယူနိုင်ခဲ့ပြီး အနိုင်ရရှိခဲ့ပါတယ်။ဖာနန်ဒက်စ်ဟာ ပွဲကစားချိန် ၁၂ မိနစ်တွင် ပထမဆုံးပင်နယ်တီကို ကန်သွင်းခဲ့ပြီး ပထမပိုင်းပြီးခါနီး ၁၀ မိနစ်အလိုမှာ ရရှိခဲ့တဲ့ ပင်နယ်တီကို ယူနိုက်တက်အသင်းခေါင်းဆောင်က ရက်ရှ်ဖို့ဒ်အား ကန်သွင်းယူစေခဲ့တာက အံ့အားသင့်စရာဖြစ်ခဲ့ပါတယ်။
ပေါ်တူဂီနိုင်ငံသားဟာ ဇန်နဝါရီလလယ်နောက်ပိုင်း ပထမဆုံးသွင်းဂိုးရရှိခဲ့တဲ့ ရက်ရှ်ဖို့ဒ်ကို အခွင့်အရေးပေးဖို့ ဆုံးဖြတ်ခဲ့ပြီး တိုက်စစ်မှူးဟာ ပြိုင်ဘက်ဂိုးသမား ပစ်ဖို့ဒ်ဒိုင်ဗင်ပစ်တဲ့ ဆန့်ကျင့်ဘက်သို့ ဂိုးသွင်းယူခဲ့တာဖြစ်ပါတယ်။"ကျွန်တော်တို့ နှစ်ယောက်စလုံးက ပင်နယ်တီ ကန်မယ့်သူတွေပါ။ ကျွန်တော် မားကပ်စ်ကို ကန်ချင်လားလို့ မေးခဲ့ပြီး သူက ယုံကြည်မှုရှိတယ်လို့ ပြောခဲ့ပါတယ်"
"သူက နည်းပြက ရွေးချယ်ထားတဲ့ ပင်နယ်တီကန်မယ့်သူတွေထဲက တစ်ယောက်ပါ။ ကျွန်တော်က တစ်ဂိုးကန်ထားပြီး မားကပ်စ်ကလည်း ပင်နယ်တီကနေ ဂိုးရနိုင်တယ်လို့ ခံစားရပါတယ်" လို့ ဖာနန်ဒက်စ်က အသင်းဖော်အား ပင်နယ်တီပေးကန်ရတဲ့ အကြောင်းရင်းကို မေးမြန်းရာတွင် TNT Sport သို့ ပြောကြားခဲ့ပါတယ်။
တစ်ချိန်တည်းမှာပဲ ချန်ပီယံလိဂ်ဝင်ခွင့်ဟာ ယူနိုက်တက်ရဲ့ ဖြစ်နိုင်ခြေတွေထဲကတစ်ခုသာဖြစ်ပြီး မနက်ဖြန်တွင် အက်စတွန်ဗီလာနှင့် တော့တင်ဟမ်တို့ ယှဉ်ပြိုင်ကစားမယ့်ပွဲရဲ့ ရလဒ်ကို အာရုံစိုက်ရမှာဖြစ်ပါတယ်။"ကျွန်တော်တို့ နောက်ထပ်ကန်ရမယ့်ပွဲတိုင်းကို အနိုင်ရဖို့ဆိုတာ ရှင်းရှင်းလင်းလင်းသိပါတယ်" လို့ ဖာနန်ဒက်စ်က ရာသီလက်ကျန်ရာသီအတွက် ရည်မှန်းချက်ကဘာလဲဟု မေးမြန်းရာတွင် ဖြေကြားခဲ့ပါတယ်။
"လိဂ်မှာ ကျွန်တော်တို့ရဲ့ အနေအထားကို သိထားပြီး ဒါဟာ ကျွန်တော်တို့အတွက် လုံလောက်တဲ့အရာမဟုတ်ပါဘူး။ ချန်ပီယံလိဂ်ဝင်ခွင့်အတွက် ကျွန်တော်တို့ ကြိုးစားချင်ပါတယ်""ဒါဟာ ခက်ခဲမယ်ဆိုတာ ကျွန်တော်တို့ သိပါတယ်၊ ဒါပေမယ့် ဒီပွဲတွေကို အနိုင်ရဖို့ လိုပါတယ်"
"ကျွန်တော်တို့က ပွဲတိုင်းကို အနိုင်ရရမှာပါ။ ကျွန်တော်တို့ ဖူလ်ဟမ်ကို မနိုင်ခဲ့ပါဘူး။ အဲဒါက မလုံလောက်ပါဘူး။ အဲဒီနောက် ကျွန်တော်တို့ မန်စီးတီးကို အဝေးကွင်းမှာ သွားကစားပြီး နှစ်ပွဲဆက်တိုက် အနိုင်မရရှိခဲ့ပါဘူး""အက်စတွန်ဗီလာက တကယ်ကို ကောင်းမွန်နေပြီး တော့တင်ဟမ်ကလည်း အရမ်းကောင်းနေတဲ့ အခိုက်အတန့်ပါ။ သူတို့ထက် ကျွန်တော်တို့အတွက်က ပိုခက်ခဲလိမ့်မယ် ဒါပေမယ့် ကျွန်တော်တို့က တွန်းအားပေးပြီးလုပ်ဆောင်ရပါမယ်" လို့ ဖာနန်ဒက်စ်က ပြောပါတယ်။