ကလော့ပ်ရဲ့ထွက်ခွာမှုအပေါ် ခံစားချက်ကို ဖွင့်ဟလိုက်တဲ့ ရွိုင်ကိန်း
3:43 PM, 28 January
ရာသီကုန်မှာ လီဗာပူးနည်းပြရာထူးကနေ နုတ်ထွက်ဖို့ ရွေးချယ်ခဲ့တဲ့ ကလော့ပ်ဟာ မှန်ကန်တဲ့ ဆုံးဖြတ်ချက်ကိုချခဲ့တာဖြစ်တယ်လို့ ရွိုင်ကိန်းက ယုံကြည်နေပါတယ်။ သူ့ရဲ့ဆုံးဖြတ်ချက်ကို သောကြာနေ့တွင် လူသိရှင်ကြား မထုတ်ပြန်မီ နိုဝင်ဘာလတွင် ကလော့ပ်ဟာ လီဗာပူး အကြီးအကဲများကို အရင်ဆုံးအသိပေးခဲ့တာဖြစ်ပြီး အကောင်းဆုံး လုပ်ဆောင်ရန် စွမ်းအင်ကုန်ခမ်းသွားပြီဖြစ်ကြောင်း ရှင်းပြခဲ့ပါတယ်။
အဆိုပါသတင်းနှင့် ပတ်သက်ပြီး သူ့ရဲ့အမြင်များကို ရွိုင်ကိန်းက ပြောကြားခဲ့ပြီး ကလော့ပ်ဟာ ဝမ်းနည်းစွာဖြင့် ငတိရနေမှာဖြစ်ပြီး ပရီးမီးယားလိဂ်အတွက် အကောင်းဆုံးလုပ်ပေးခဲ့ကြောင်း ဝန်ခံခဲ့ပါတယ်။
ITV သို့ ရွိုင်ကိန်းက "ကြေငြာချက်နဲ့ ပတ်သက်ပြီး ကျွန်တော် သိပ်စိတ်မပူပါဘူး။ သူက ပွဲစဉ်တွေကနေ ထွက်သွားတာ စိတ်မကောင်းစရာပဲလို့ ကျွန်တော်ထင်ပါတယ်"
"သူဟာ လီဗာပူးအတွက် အံ့သြစရာကောင်းတဲ့ နည်းပြတစ်ယောက်ဖြစ်ခဲ့ပြီး ပရီးမီးယားလိဂ်ရဲ့ ကောင်းမွန်တဲ့ စရိုက်လက္ခဏာရှိတဲ့ နည်းပြလို့ ထင်ပါတယ်။ ဒါပေမယ့် အနားယူဖို့ လိုအပ်တယ်လို့ထင်ရင် သူဟာ မှန်ကန်တဲ့ ဆုံးဖြတ်ချက်ချနိုင်မယ်လို့ ကျွန်တော်ထင်ပါတယ်။ သူကတော့ ဝမ်းနည်းစွာနဲ့ လွမ်းနေမှာပါ"
"သူ့ကိုကြည့်ရတာ ကျွန်တော် နှစ်သက်ပါတယ်။ သူပြောတာကို နားထောင်ရတာ သဘောကျပါတယ်။ သူက ပရီးမီးယားလိဂ်မှာ ထူးချွန်တဲ့နည်းပြလို့ ကျွန်တော်ထင်ပါတယ်။ သူ့ရဲ့ထွက်ခွာမှုက ကြီးမားတဲ့ ဆုံးရှုံးမှုတစ်ခုဖြစ်လာမယ်ဆိုတာ သံသယဖြစ်စရာမလိုပါဘူး။ ဒါပေမယ့် သူအနားယူဖို့ လိုအပ်တယ်လို့ ခံစားရရင် သူ မှန်ကန်တဲ့ ဆုံးဖြတ်ချက်ချလိုက်ပြီလို့ ကျွန်တော်ထင်ပါတယ်" လို့ ပြောပါတယ်။
သူ့ရဲ့ဆုံးဖြတ်ချက်ကို ၂၀၀၂ ခုနှစ်တုန်းက ဆာအဲလက်စ်ဖာဂူဆန်က ပြန်လည်လုပ်ဆောင်ခဲ့တဲ့ အတိုင်းပင် ဆုံးဖြတ်ချက်ကို ပြောင်းနိုင်မလားဟု မေးတဲ့အခါ ကလော့ပ် အံ့အားသင့်သွားခဲ့ပါတယ်။
"အဲ့ဒီဖြစ်မှာမဟုတ်ပါဘူး။ ဆာအဲလက်စ်က ရာထူးကအနားယူပြီးနောက် စိတ်ပြောင်းသွားသလားတော့ မသိပါဘူး။ ကျွန်တော်က ဆာအဲလက်စ်ကို အရမ်းလေးစားပေမယ့် အဲ့ဒီလိုတော့ဖြစ်မှာမဟုတ်ပါဘူး။ ကျွန်တော် ဒီရာသီမှာ အရာအားလုံးကို အနိုင်ရခဲ့မယ်ဆိုရင်တောင် စိတ်ပြောင်းသွားမှာ မဟုတ်ပါဘူး"
"ကျွန်တော် သေချာစဉ်းစားပြီးပါပြီ။ ဒီရာသီမှာ ဘယ်လိုရလဒ်မျိုးဖြစ်ဖြစ်ပါ။ အဓိကကတော့ ဒီအသင်းအတွက် တကယ်ကောင်းတဲ့ အခြေခံအချက်တစ်ခုလို့ ကျွန်တော်မြင်ပါတယ်။ အဲဒါကြောင့် တခြားသူကို ပေးလိုက်ဖို့ အချိန်ကောင်းပါပဲ" လို့ ကလော့ပ်က ပြောပါတယ်။
ယူနိုက်တက်အသင်းခေါင်းဆောင်ဟောင်း ကိန်းက အခြေအနေနှစ်ခုကြားတွင် တူညီမှုမရှိဘူးလို့ ယုံကြည်နေပါတယ်။
"အချိန်တွေက မတူပါဘူး။ ယူနိုက်တက်နည်းပြက ရာသီအစမှာ ဒီလိုလုပ်ခဲ့ပြီး ချန်ပီယံ ၃ ကြိမ် ဆက်တိုက် ဆွတ်ခူးဖို့ နောက်ကွယ်မှာ ရှိနေခဲ့တာပါ"
"အဲဒီအချိန်က အဝတ်လဲခန်းကို ထိခိုက်လိမ့်မယ်လို့ ကျွန်တော့်မသိစိတ်က ထင်မိနေပါတယ်။ ကျွန်တော်တို့မှာ အတွေ့အကြုံရှိတဲ့ ကစားသမားတွေ ရှိပါတယ်။ ကျွန်တော်တို့ အဲဒါကို ဆက်လုပ်မယ်လို့ ထင်ပြီးတော့ သူပြန်လာမယ်ဆိုတဲ့ ဆုံးဖြတ်ချက်ချလိုက်ပါတယ် ဒါက ကျွန်တော်တို့ လိုက်လျောညီထွေဖြစ်စေပါတယ်" လို့ ကိန်းက ပြောပါတယ်။
#လီဗာပူး #ကလော့ပ် #ရွိုင်ကိန်း #ပရီးမီးယားလိဂ်