ယူနိုက်တက်ကို အနိုင်ရခဲ့တဲ့ပွဲကရရှိခဲ့တဲ့ ဒဏ်ရာကြောင့် ခွဲစိတ်မှုခံယူရမယ့် နစ်ပုပ်
9:22 AM, 4 December
ယူနိုက်တက်အသင်းကို ၁-၀ နဲ့ အနိုင်ရရှိခဲ့တဲ့ ပွဲအတွင်း နယူးကာဆယ်ဂိုးသမား နစ်ပုပ်ဒဏ်ရာ ရရှိခဲ့ပြီး အဆိုပါဒဏ်ရာကို ခွဲစိတ်မှုခံယူရမယ်လို့ နည်းပြ ဟိုဝီက ထုတ်ဖော်ပြောကြားလိုက်ပါတယ်။
နယူးကာဆယ်အသင်းဟာ ယူနိုက်တက်ကို အနိုင်ရခဲ့တာကြောင့် အဆင့် ၅ နေရာအထိ တက်ရောက်လာနိုင်ခဲ့ကာ နစ်ပုပ်ကတော့ ပွဲအပြီးအထိ ဆက်မကစားနိုင်ခဲ့တာ ဖြစ်ပါတယ်။ အဲ့နောက် နစ်ပုပ်နေရာကို အရန်ဂိုးသမား ဒူဗရာကာက အစားဝင်ခဲ့ပါတယ်။
ဟိုဝီက ပွဲအပြီးမှာ နစ်ပုပ်အခြေအနေနဲ့ပတ်သက်ပြီး “ကြည့်ရတာ အခြေအနေဆိုးပါတယ်။ အဲ့တာက အဆစ်လည်သွားတာနဲ့တူပါတယ်။ သူအဆင်ပြေပါပြီ။ ခွဲစိတ်မှုတော့ ခံယူရမှာဖြစ်ပြီး မကြာခင်မှာ ပြန်လာနိုင်ပါလိမ့်မယ်။ ဒါပေမယ့် သူ့အခြေအနေအတိအကျကိုတော့ မသိရသေးပါဘူး။ သူခွဲစိတ်မှုလိုအပ်လား မလိုအပ်ဘူးလားဆိုတာ ကျွန်တော်မသိသေးပါဘူး။ ဒါပေမယ့် ကျွန်တော်တို့ အဲ့တာကို စစ်ဆေးပြီးပါပြီ။ သူခွဲစိတ်ပြီးတော့ မကြာခင်မှာ ပြန်လာနိုင်ပါလိမ့်မယ်။ ကျွန်တော်တို့အတွက်တော့ နစ်ပုပ်လွဲချော်တာက ကြီးမားတဲ့ ဆုံးရှုံးမှုပါ။ သူဘယ်လောက်နားရမလဲဆိုတာ မသိသေးပါဘူး။ အဲ့တာက အန္တရာယ်မဖြစ်နိုင်ပါဘူး။ ဒီလိုမျိုးဒဏ်ရာတွေက ဖြစ်တတ်ပါတယ်။ သူအခုတော့ စိတ်ဓာတ်ကျနေပါတယ်။ သူ့နေရာကို ဒူဗရာကာက အစားဝင်ခဲ့ပါတယ်”လို့ ဟိုဝီက ပြောကြားခဲ့ပါတယ်။
နယူးကာဆယ်အသင်းဟာ ကြာသပတေးနေ့မှာ အဲဗာတန်အသင်းနဲ့ ရင်ဆိုင်ရမှာဖြစ်ပါတယ်။