နူနိုဆန်းတို့နေရာမှာ လိုပီတီဂူနဲ့ အစားထိုးတော့မယ့် အယ်လ်-အီတီဟက်
9:12 AM, 13 November
ဆော်ဒီပရိုလိဂ်ချန်ပီယံအယ်လ်-အီတီဟက်အသင်းဟာ နည်းပြသစ်နေရာ အတွက် လိုပီတီဂူကို ခန့်အပ်ဖို့ ပြင်ဆင်နေတယ်လို့ သိရပါတယ်။
တော့တင်ဟမ်နည်းပြဟောင်း ဆန်းတို့နဲ့ လမ်းခွဲခဲ့ပြီးနောက် အီတီဟက်အသင်းဟာ စပိန်နဲ့ ရီးရဲလ်နည်းပြဟောင်းကို ခန့်အပ်ဖို့ပြင်ဆင်နေတယ်လို့ သတင်းထောက် ဘန်ဂျက်ကော့တ်က ပြောကြားခဲ့ပါတယ်။ နွေရာသီတုန်းက ဝုဗ်ကနေ ထွက်ခွာခဲ့တဲ့ လိုပီတီဂူဟာ အသင်းကိုတန်းဆင်းဇုန်ကလွတ်အောင် ကူညီပေးခဲ့တာဖြစ်ပါတယ်။
အခုနှစ်အစောပိုင်းတုန်းက ဝုဗ်နဲ့ လမ်းခွဲခဲ့ပေမယ့်လည်း လိုပီတီဂူက အင်္ဂလန်မှာ ဆက်ရှိနေခဲ့တာဖြစ်ပါတယ်။ ပရီးမီးယားလိဂ်ကို ပြန်လာချင်ပေမယ့် အခုချိန်မှာတော့ လိုပီက်တီဂူတစ်ယောက် ဆော်ဒီပရိုလိဂ်ကိုပြောင်းဖို့ နီးစပ်နေတာဖြစ်ပါတယ်။
နိုင်ငံတကာရက်သတ္တပတ်အပြီးမှာ အယ်လ်-အီတီဟက်အသင်းဟာ နိုဝင်ဘာ ၂၅ ရက်နေ့မှာ ပွဲတွေပြန်လည်စတင်မှာဖြစ်ပြီး စပိန်သားနဲ့ လက်တွဲဖို့များနေပါတယ်။