ဇန်နဝါရီအပြောင်းအရွှေ့မှာ တိုက်စစ်ကစားသမား သုံးဦးကို ရောင်းချဖို့စီစဉ်နေတဲ့ ယူနိုက်တက်
10:32 AM, 11 November
လွန်ခဲ့တဲ့ ဆယ်နှစ်ခန့် ဆာအဲလက်စ် ဖာဂူဆန် အနားယူပြီးနောက် ယူနိုက်တက်ဟာ ကစားသမားသစ်များဝယ်ယူရေးတွင် ပေါင် ၁.၄ ဘီလီယံ အသုံးပြုခဲ့ပုံနှင့် ပတ်သက်ပြီး ဖြေရှင်းချက်တောင်းဆိုရန် ဆာဂျင်မ် ရိုက်ကလစ်ဖ်က စီစဉ်ထားပါတယ်။
လက်ရှိနည်းပြ တန်ဟက်က တစ်ဦးတည်းသောတရားခံ မဟုတ်သော်လည်း ဇန်နဝါရီတွင် ဈေးအကြီးဆုံးခေါ်ယူမှုက အန်တိုနီဖြစ်ပါတယ်လို့ The Sunက ဖော်ပြခဲ့ပါတယ်။ တန်ဟက်ဟာ ဘရာဇီးလက်ရွေးစင်ကစားသမားအတွက် ပေါင် ၈၅ သန်းသုံးစွဲရန် ဆုံးဖြတ်ချက်နောက်ကွယ်မှ တွန်းအားဖြစ်ခဲ့သော်လည်း မျှော်လင့်ထားသလိုတော့ ဖြစ်မလာခဲ့ပါဘူး။
အေဂျက်စ်ကြယ်ပွင့်ဟောင်းဟာ ဘရာဇီးသို့ ပြန်သွားရန် ချိတ်ဆက်မှုများ ရှိနေသော်လည်း ဖလာမင်ဂိုရဲ့ ဒုတိယဥက္ကဋ္ဌက ကစားသမားအား အငှားခေါ်ယူရန် စိတ်ဝင်စားနေကြောင်း ယခုရက်သတ္တပတ် အစောပိုင်းတွင် သတင်းများ ထွက်ပေါ်ခဲ့ပါတယ်။ ဆန်ချိုကလည်း စက်တင်ဘာလ အာဆင်နယ်နှင့်ပွဲမတိုင်မီ လူစာရင်းမှာ မပါဝင်ခဲ့ရပြီးနောက် နည်းပြအား တောင်းပန်ရန် ငြင်းဆိုခဲ့တာကြောင့် အသင်းရဲ့လူစာရင်းကနေ ထုတ်ပယ်ခြင်းခံထားရတုန်းဖြစ်ပါတယ်။
တန်ဟက်ဟာ အင်္ဂလန်လက်ရွေးစင်ရဲ့ လေ့ကျင့်ရေးရှိပုံစံနှင့်ပတ်သက်ပြီး သဘောမကျဖြစ်နေတာကြောင့် ဆုံးရှုံးမှုကို ကာမိစေရန်အတွက် ယူနိုက်တက်ဟာ ဒေါ့မွန်သို့ပြန်လည် ရောင်းချဖို့ စီစဉ်နေပါတယ်။ နည်းပြရဲ့ပွဲထွက်လူစာရင်းမှာ နွေရာသီက ခေါ်ယူထားတဲ့ ဟွိုက်လန်းရဲ့နောက်သို့ရောက်ရှိခဲ့ပြီးနောက် မာရှယ်ကလည်း အသင်းမှာပိုလျှံနေတဲ့ ကစားသမားဖြစ်နေပါတယ်။
ဒိန်းမတ်လက်ရွေးစင် ကစားသမားဟာ ကိုပင်ဟေဂင်ကို ရှုံးနိမ့်ခဲ့တဲ့ပွဲမှာ ၂ ဂိုးသွင်းယူကာ နာမည်ကျော်ကြားမှုကို မြှင့်တင်နိုင်ခဲ့ပြီး ဖိအားအောက်သို့ ရောက်ရှိနေတဲ့ နည်းပြအပေါ် အပြည့်အဝ ထောက်ခံထားကြောင်း လူငယ်ကစားသမားက အခိုင်အမာပြောဆိုထားပါတယ်။
တန်ဟက်နဲ့ ပတ်သက်ပြီး ဟွိုက်လန်းက "တကယ်ကောင်းတဲ့နည်းပြပါ။ သူက အသေးစိတ်အချက်အလက်တိုင်းကို ဂရုစိုက်ပြီး ကျွန်တော့်ကို အများကြီးကူညီပေးပါတယ်။ ယုံကြည်မှုတွေ အများကြီးပေးပြီး ကျွန်တော့်ကို ပံ့ပိုးပေးပါတယ်" "အဝတ်လဲခန်းက ကစားသမားတိုင်းက သူ့ကို ထောက်ခံတယ်လို့ ထင်ပါတယ်။ ယူနိုက်တက် မအောင်မြင်ခင်မှာတော့ အချိန်တစ်ခုပဲရှိမယ်လို့ မျှော်လင့်ပါတယ်" "ဒီနေ့ရဲ့ ပထမဆုံး မိနစ် ၃၀ က ဒီရာသီမှာ ကျွန်တော်တို့ ကစားခဲ့တဲ့ အကောင်းဆုံးပါပဲ" လို့ ပြောပါတယ်။