ဘယ်လင်ဟမ် ကိုပါဆုရယူနိုင်ခဲ့ခြင်းအပေါ် မက်ဆေ့ချ်ပေးပို့လိုက်တဲ့ မူစီယာလာ
11:32 AM, 31 October
ရီးရဲလ်စတား ဘယ်လင်ဟမ်တစ်ယောက် ကိုပါဆုရယူနိုင်ခဲ့ပြီးနောက် ငယ်ဘဝသူငယ်ချင်း ဘယ်လင်ဟမ်ကို မူစီယာလာက မက်ဆေ့ချ်ပေးပို့လိုက်ပါတယ်။
အဆိုပါဆုဟာ အသက် ၂၁ နှစ်အောက်ကစားသမားတွေကို ပေးအပ်တာဖြစ်ပြီး ဘယ်လင်ဟမ်က ကစားသမားဘဝပထမဆုံးအကြိမ်ရယူနိုင်ခဲ့တာဖြစ်ပါတယ်။
အင်္ဂလန်သားဟာ ပီဒရီ ၊ ကာမာဗင်ဂါ ၊ ဇာဗီဆိုင်မွန်တို့လိုကစားသမားတွေကိုကျော်ဖြတ်ပြီး အဆိုဆုကို ရယူနိုင်ခဲ့တာဖြစ်ပြီး မိသားစုကိုပါ ဂုဏ်ပြုခဲ့တာဖြစ်ပါတယ်။
“ဒီလိုဆုမျိုးရအောင် ကူညီပေးခဲ့တဲ့ ဘာမင်ဂမ် ၊ ဒေါ့မွန် ၊ ရီးရဲလ် နဲ့ အင်္ဂလန်အသင်းတို့ကို ကျေးဇူးတင်ပါတယ်။ ဒါပေမယ့် အရေးအကြီးဆုံးက ကျွန်တော့်မိသားစုပါ။ ကျွန်တော့်အမေက ဒီနေ့ည ဒီမှာရှိနေပါတယ်။
ကျွန်တော့်အကိုလည်း အိမ်ပြန်လာပါပြီ။ အားလုံးရဲ့အားပေးမှုအတွက် ကျေးဇူူးအများကြီးတင်ပါတယ်။ အဲ့တာက ကျွန်တော့်အတွက် အများကြီးအဓိပ္ပာယ်ရှိပါတယ်”လို့ ဘယ်လင်ဟမ်က ပြောကြားခဲ့ပါတယ်။
အခြားတစ်ဖက်မှာတော့ သူငယ်ချင်းဟောင်းဖြစ်သူ မူစီယာလာကလည်း ဘယ်လင်ဟမ်ကို မက်ဆေ့ချ်ပေးပို့ခဲ့ပါတယ်။
ဂျာမန်သားဟာ ဘယ်လင်ဟမ်ကို ဂုဏ်ပြုဖို့ ပြင်သစ်မြေမှာရှိမနေပေမယ့် သူတို့ ၂ ဦး ကလေးဘဝတုန်းက တူတူကစားခဲ့တဲ့ဗီဒီယိုကို မက်ဆေ့ချ်ပေးပို့ခဲ့တာဖြစ်ပါတယ်။
“ငါတို့ပွဲကန်ဖို့ ရှိနေတာကြောင့် ဒီနေ့ညပြင်သစ်မြေကို မလာနိုင်ခဲ့ပါဘူး။ ဒါပေမယ့် ငါမင်းရဲ့အောင်မြင်မှုအတွက် ဂုဏ်ပြုချင်ပါတယ်။ မင်းနဲ့ထိုက်တန်ပါတယ်။
အင်္ဂလန်မှာတုန်းက ငါတို့အသင်းဖော်တွေဖြစ်ခဲ့ပြီး အခုတော့ မင်းက ရီးရဲလ်အသင်းအတွက် ကစားပေးနေပြီး ငါက ဘိုင်ယန်အတွက် ကစားပေးနေပါပြီ။ အဲ့တာက မင်းတွေးသလိုမျိုး ရူးသွပ်ဖွယ်ရာပါ။
မင်းနဲ့မကြာခင်မှာ ပြန်တွေ့နိုင်ဖို့ မျှော်လင့်ပါတယ်။ ကောင်းမွန်တဲ့ညနေခင်းဖြစ်ဖို့ မျှော်လင့်သလို မြူးနစ်ကနေ နှုတ်ဆက်လိုက်ပါတယ်”လို့ မူစီယာလာက ပြောကြားခဲ့ပါတယ်။
ဘယ်လင်ဟမ်ကလည်း မူစီယာလာပေးပို့တဲ့ဗီဒီယိုကို “သူက တကယ်ကောင်းတဲ့သူပါ။ သူကျွန်တော့်ကိုပေးပို့တဲ့ဗီဒီယိုက အဆင့်အတန်းတစ်ခုရှိပါတယ်။ သူ့ကိုဘယ်လောက်ချစ်လဲဆိုတာ သူသိသလို ဘယ်လောက်လေးစားလဲဆိုတာလည်း သူသိပါတယ်”လို့ ပြန်လည်တုံ့ပြန်ခဲ့ပါတယ်။
#ရီးရဲလ်မက်ဒရစ် #ဘိုင်ယန်မြူးနစ် #ဘယ်လင်ဟမ် #မူစီယာလာ