သူ့ရဲ့အနာဂတ်နှင့်ပတ်သက်ပြီး ဖွင့်ဟပြောကြားလိုက်တဲ့ ကွန်တီ

9:30 AM, 15 October

အသင်းဘုတ်အဖွဲ့၊ ပရိသတ်များ၊ ကစားသမားများနှင့် ဆက်ဆံရေးပြိုကွဲခဲ့တယ်လို့ သတင်းများထွက်ပေါ်ခဲ့ပြီးနောက် ယခုနှစ်အစောပိုင်းမှာ အသက် ၅၄ နှစ်အရွယ် ကွန်တီဟာ တော့တင်ဟမ်ကနေ ထုတ်ပယ်ခဲ့ခြင်းခံခဲ့ရပါတယ်။ ကွန်တီဟာ သူ့ရဲ့ပထမရာသီအတွင်း ချန်ပီယံလိဂ်ဝင်ခွင့်ကို မရရှိခဲ့သလို အသင်းရဲ့ အဓိကအပြောင်းအရွှေ့ပစ်မှတ်များစွာကို မခေါ်ယူနိုင်ပြီးနောက်မှာတော့ အစောပိုင်းအောင်မြင်မှုတွေကို တည်ဆောက်နိုင်ခြင်းမရှိခဲ့ပါဘူး။

နာပိုလီအသင်းနည်းပြ ရူဒီဂါစီယာဟာ အသင်းကနေထွက်ခွာရဖို့ရှိနေပြီး ကွန်တီဟာ စီးရီးအေချန်ပီယံအသင်းထံ ပြောင်းရွှေ့ရန် ချိတ်ဆက်မှုများ ရှိခဲ့သော်လည်း ယခုရက်သတ္တပတ်အစောပိုင်းမှာ အဆိုပါအလားအလာရှိနေရာနဲ့ ဝေးကွာနေခဲ့ပါတယ်။ သောကြာနေ့ညက La Gazzetta dello Sport ကကျင်းပတဲ့ ပွဲမှာ ကွန်တီက နောက်ထပ်ကလပ်သို့ ပြောင်းရွှေ့ဖို့နဲ့ပတ်သက်ပြီး ပရောဂျက်တွေကို ပြန်လည်လုပ်ဆောင်ဖို့ ရည်ရွယ်ချက်မရှိဘူးလို့ အခိုင်အမာပြောခဲ့ပါတယ်။

"ကျွန်တော် ပြန်လာရင် တခြားသူတွေ အတွက် အရမ်းခက်ခဲလိမ့်မယ်။ ကျွန်တော်က ယှဉ်ပြိုင်ဖို့ အဆင်သင့်ဖြစ်နေပါလိမ့်မယ်။ တော့တင်ဟမ်အသင်းနဲ့ပြီးရင် မိသားစုအတွက် အချိန်ပေးမယ်လို့ ကတိပေးခဲ့ပါတယ်။ ဒါဟာ ဘဝနေထိုင်မှုပုံစံအတွက် ရွေးချယ်မှုတစ်ခုပါပဲ။ တစ်နေ့မှာ မကြာသေးမီက ဆုဖလားရရှိထားတဲ့ အသင်းတစ်သင်းကို နည်းပြချင်ပါတယ်" လို့ ကွန်တီကပြောပါတယ်။

ချန်ပီယံဆုကို ဆက်လက်ထိန်းသိမ်းမယ့် နာပိုလီရဲ့ မျှော်လင့်ချက်တွေဟာ ရာသီသစ်တွင် အလယ်အလတ်အဆင့်မှာသာရှိနေပြီး အမှတ်ပေးဇယားထိပ်ဆုံးမှ အေစီမီလန်နှင့် ၇ မှတ် အကွာ အဆင့် ၅ နေရာမှာသာ ရှိနေပါတယ်။ ခြေစွမ်းစွမ်းဆိုးရွားနေသော်လည်း ဖိအားတွေအောက်ရောက်နေတဲ့ ဂါစီယာအနေနဲ့ အသင်းကို ပြောင်းလဲရန် အချိန်ပိုရသင့်တယ်လို့  နာပိုလီအသင်းခေါင်းဆောင်ဟောင်း ကူလီဘာလေက ယုံကြည်နေပါတယ်။

"ဂါစီယာက ကောင်းမွန်တဲ့ နည်းပြတစ်ယောက်ဖြစ်ပြီး အရင်တုန်းက တခြားနည်းပြတွေလိုပဲ လိုက်လျောညီထွေဖြစ်အောင်လုပ်ဖို့ အချိန်လိုပါတယ်။ ကစားသမားတွေက သူနဲ့အတူရှိနေပါတယ်။ သူတို့ထဲက နှစ်ယောက်၊ သုံးယောက်နဲ့ စကားပြောခဲ့ပြီး သူတို့ကလည်း ဒါကို အတည်ပြုခဲ့ပါတယ်။ သူတို့က အလုပ်ဆက်လုပ်ဖို့ပဲလိုပြီး အရာအားလုံး အဆင်ပြေသွားမှာပါ။ သူ့အတွက် ကလပ်က အလုပ်ဆက်လုပ်ခွင့်ပေးဖို့ စိတ်ရှည်သည်းခံဖို့ မျှော်လင့်ပါတယ်' လို့ ကူလီဘာလေက အင်စတာဂရမ်တိုက်ရိုက် အင်တာဗျူးတစ်ခုတွင် ပြောကြားခဲ့သည်။

#တော့တင်ဟမ် #ကွန်တီ