ပီအက်စ်ဗွီ၊ ရွိုင်ရယ်အန့်တ်ဝက်ပ်၊ ကိုပင်ဟေဂင်တို့ အုပ်စုအဆင့်ကို ရောက်ရှိလာတဲ့ ချန်ပီယံလိဂ်ခြေစစ်ပွဲဗုဒ္ဓဟူးည ပွဲစဉ်များသုံးသပ်ချက်
9:45 AM, 31 August
ပီအက်စ်ဗွီအသင်းဟာ ယမန်နေ့ညက စကော့တလန်ကလပ် ရိန်းဂျားစ်နဲ့ ရင်ဆိုင်ရာမှာ ၅-၁ဂိုးနဲ့ အနိုင်ရခဲ့ပြီး နှစ်ကျော့ပေါင်းရလဒ် ၇-၃နဲ့ ချန်ပီယံလိဂ်အုပ်စုအဆင့်ကို ရောက်ရှိလာခဲ့ပါတယ်။
စကော့တလန်မြေမှာ နှစ်ဂိုးစီ သရေကျခဲ့လို့ ပီအက်စ်ဗွီအသင်း အိမ်ကွင်းမှာ အားထည့်ကစားခဲ့ပြီး ပွဲချိန် ၃၅မိနစ်မှာ ဆိုင်ဘာရီရဲ့ ခေါင်းတိုက်သွင်းဂိုးနဲ့ ဦးဆောင်နိုင်ခဲ့ပါတယ်။ ၅၃မိနစ်မှာ ဆိုင်ဘာရီကပဲ ပီအက်စ်ဗွီအတွက် ဒုတိယဂိုးကို သွင်းယူပေးခဲ့ပေမယ့် ၆၄မိနစ်မှာ တာဗာနီယာက ရီန်းဂျားစ်အတွက် ချေပဂိုးပြန်သွင်းခဲ့ပါတယ်။ ဒါပေမယ့် သိပ်မကြာခင်မှာပဲ လုခ်ဒီဂျောင်က ပီအက်စ်ဗွီအတွက် ခေါင်းတိုက်ကာ ဦးဆောင်ဂိုးပြန်သွင်းပေးခဲ့ပါတယ်။
ဗားမန်းက ၇၈မိနစ်မှာ ပီအက်စ်ဗွီအတွက် စတုတ္ထဂိုး သွင်းပေးခဲ့ပြီး ပဉ္စမဂိုးကိုတော့ ရိန်းဂျားစ်နောက်ခံလူ ဂိုလ်ဆန် ကိုယ့်ဂိုးကိုယ်သွင်းမိခဲ့ပါတယ်။ ဒါကြောင့် ပီအက်စ်ဗွီအသင်းဟာ ရိန်းဂျားစ်ကို ဂိုးပြတ်အနိုင်ရပြီး ချန်ပီယံလိဂ်အုပ်စုအဆင့်ကို ရောက်ရှိလာခဲ့ပါတယ်။
အလားတူ ကိုပင်ဟေဂင်နဲ့ အန့်တ်ဝက်ပ်တို့ကလည်း ရာကောချက်တိုချိုဝါ၊ AEK အေသင်တို့ကို နှစ်ကျော့ပေါင်းရလဒ်တွေနဲ့ အနိုင်ယူကာ ချန်ပီယံလိဂ်ခြေစစ်ပွဲအောင်မြင်ခဲ့ပါတယ်။ ချန်ပီယံလိဂ်အုပ်စုအဆင့်မဲခွဲမှုတွေကိုတော့ ယနေ့ည ၁၀း၃၀ အချိန်မှာ ပြုလုပ်သွားမယ်လို့ သိရပါတယ်။