ဘာစီလိုနာထံ ပြောင်းရွှေ့လာခဲ့ပြီဖြစ်တဲ့ အိုရီအိုရိုမီယူ
9:24 AM, 18 July
ကတ္တလန်ကလပ်ကွင်းလယ်လူဟောာင်း ရိုမီယူတစ်ယောက် ဘာစီလိုနာထံ ပြောင်းရွှေ့လာခဲ့ပြီဖြစ်ကာ လူငယ်ကွင်းလယ်လူ ပါဘလိုတောရက်စ်က ဂီရိုနာကို အငှားထွက်ကစားရဖွယ်ရှိနေပါတယ်။
ဘာစီလိုနာဟာ အခုနွေရာသီမှာ နောက်ထပ်ကစားသမားတစ်ဦး ထပ်မံခေါ်ယူချင်နေတာဖြစ်ပြီး ရိုမီယူကို ခေါ်ယူမှာဖြစ်တယ်လို့ ရိုမာနိုက ဆိုပါတယ်။ ဂီရိုနာနဲ့ ဘာစီလိုနာတို့ကြား သဘောတူညီမှု ရယူနိုင်ခဲ့ပြီဖြစ်သလို ရိုမီယူက ဆေးစစ်မှုအောင်မြင်ခဲ့ပြီဖြစ်ပါတယ်။
တောရက်စ်ကတော့ ဂီရိုနာအသင်းထံ တစ်ရာသီအငှားနဲ့ ပြောင်းရွှေ့မှာဖြစ်ပါတယ်။ ဘက်စ်ကွက်ထွက်ခွာခဲ့ပြီးနောက် ရိုမီယူဟာ ဘာစီလိုနာကွင်းလယ်ကို ဦးဆောင်ရမှာဖြစ်ပါတယ်။ အသက် ၃၁ နှစ်သားဟာ အံ့အားသင့်ဖွယ်ခေါ်ယူမှု ဖြစ်လာခဲ့ပြီး ဘာစီလိုနာအတွက်လည်း ကုန်ကျစရိတ်သိပ်မများခဲ့တာဖြစ်ပါတယ်။
ဂီရိုနာက ရိုမီယူကို လက်လွှတ်ရပေမယ့် တောရက်စ်ကို ရရှိခဲ့ပါတယ်။ အသက် ၂၀ အရွယ်ကစားသမားဟာ လာမယ့်ရာသီမှာ စွမ်းဆောင်ရည်ကောင်းပြသနိုင်သလို ပုံမှန်ကစားခွင့်ရမယ်လို့ မျှော်လင့်နေပါတယ်။
ရိုမီယူဟာ ဘာစီလိုနာရဲ့ရာသီကြိုခြေစမ်းပွဲလူစာရင်းမှာ ပါဝင်မှာဖြစ်ပြီး အိမ်ပြန်လာချိန်မှာ တော့တင်ဟမ်နဲ့ ဂမ်ပါဖလားကန်ရမှာဖြစ်ပါတယ်။